ഗര്‍ഭിണിയെ കുത്തിക്കൊന്നു; സംഭവ സ്ഥലത്ത് പിറന്ന കുഞ്ഞ് ഗുരുതരാവസ്ഥയില്‍ - യുവാവ് പിടിയില്‍

എട്ടുമാസം ഗർഭിണിയായ യുവതിയെ കുത്തിക്കൊന്നു. സംഭവസ്ഥലത്ത് പിറന്ന കുഞ്ഞ് ഗുരുതരാവസ്ഥയിൽ ചികിത്സയിലാണ്. തെക്കൻ ലണ്ടനിലെ ക്രോയ്‌ഡോണിൽ ശനിയാഴ്ച രാത്രിയാണ് സംഭവം.  കെല്ലി മേരി ഫേവ്‌റല്ലെ(26) എന്ന യുവതിയാണ് കൊല്ലപ്പെട്ടത്.

പിറന്ന കുഞ്ഞ് ഗുരുതരാവസ്ഥയിൽ ചികിത്സയിലാണ്. യുവതിയെ കുത്തിയ 27കാരനായ യുവാവ് പിടിയിലായി. അക്രമത്തിന് പിന്നിലെ കാരണം വ്യക്തമായിട്ടില്ല.

കുത്തേറ്റ് അവശയായ പെണ്‍കുട്ടിയെ സമീപവാസികളാണ് കണ്ടെത്തിയത്. ഇവര്‍ വിവരമറിയിച്ചതിനെ തുടര്‍ന്ന് ആംബുലന്‍സ് എത്തിയെങ്കിലും ഹൃദയസ്തംഭനം മൂലം യുവതി സംഭവസ്ഥലത്ത് വച്ചുതന്നെ മരിച്ചു. ഉടൻതന്നെ കുട്ടിയെ പുറത്തെടുത്ത് ആശുപത്രിയിൽ പ്രവേശിപ്പിച്ചു.