കൊച്ചിയിൽ വീടിന്റെ ടെറസിൽ യുവാവ് വെടിയേറ്റ് മരിച്ചനിലയിൽ, സുഹൃത്തുക്കളെ പൊലീസ് ചോദ്യം ചെയ്യുന്നു

കൊച്ചി: കൊച്ചിയി യുവാവിനെ സുഹൃത്തിന്റെ വിടീനുമുകളിൽ മരിച്ചനിലയിൽ കണ്ടെത്തി. പോത്താനിക്കാട് പുളിന്താനം മാനിക്കപ്പീടികയ്ക്കടുത്താണ് സംഭവം. 48കാരനായ കുഴിപ്പിള്ളിൽ പ്രസാദിനെയാണ് സുഹൃത്ത് സജീവന്റെ വീടിനുമുകളിൽ വെടിയേറ്റു മരിച്ച നിലയിൽ കണ്ടെത്തിയത്. സംഭവത്തിൽ പൊലീസ് വിശദമായ അന്വേഷണം ആരംഭിച്ചു 

സജീവന്റെ കോഴിഫാമിലെ ജീവനക്കാരൻകൂടിയാണ് കൊല്ലപ്പെട്ട പ്രസാസ്. ഇരുവരുടെയും സുഹൃത്തായ ബിജുവാണ് മൃതദേഹം കണ്ടതായി പൊലീസിനെ വിവരം അറിയിച്ചത്. വെടിവക്കാൻ ഉപയോഗിച്ചതെന്ന് കരുതപ്പെടുന്ന എയർഗൺ തകർന്ന നിലയിൽ മൃതദേഹത്തിന് സമീപത്തുനിന്നും പൊലീസ് കണ്ടെത്തിയിട്ടുണ്ട്. സജീവന്റെ ഉടമസ്ഥതയിലുള്ളതാണ് ഈ എയർഗൺ എന്ന് പൊലീസ് കണ്ടെത്തി.

കഴിഞ്ഞ ദിവസം രാത്രി 9.30വരെ മൂവരും ടെറസിൽ ഇരുന്ന് മദ്യപിച്ചിരുന്നതായി. ബിജു പൊലീസിന് മൊഴി നൽകി. ബിജു പ്രസാദിനെ വീട്ടിൽ കൊണ്ടുപോയി ആക്കുകയും ചെയ്തിരുന്നു. ഇന്നു രാവിലെ സജീവന്റെ രാജാക്കാടുള്ള തോട്ടത്തിലേക്ക് പോകാ എത്താമെന്ന് പ്രസാദ് പറഞ്ഞിരുന്നു. എന്നാൽ രാവിലെ പ്രസാദിനെ വീട്ടിൽ അന്വേഷിച്ചെങ്കിലും അവിടെ ഉണ്ടായിരുന്നില്ല തുടർന്ന് ബിജു സജീവന്റെ വീട്ടിൽ എത്തിയതോടെയാണ് പ്രർസാദ് മരിച്ചുകിടക്കുന്നതായി കണ്ടെത്തിയത്. ബിജുവിന്റെ മൊഴിയുടെ അടിസ്ഥനത്തിൽ സജീവിനെ പൊലീസ് കസ്റ്റഡിയിലെടുത്ത് ചോദ്യം ചെയ്യുകയാണ്. ബിജുവീനെയും പൊലീസ് ചോദ്യം ചെയ്യുന്നുന്നുണ്ട്.