മരണപ്പെട്ടില്ലെങ്കിൽ പോലീസ് അതിക്രമം ആരെങ്കിലും ശ്രദ്ധിക്കുമോ, ചോദ്യവുമായി സൂര്യ

തൂത്തുക്കുടിയിൽ പോലീസ് കസ്റ്റഡിയിൽ അച്ഛനും മകനും കൊല്ലപ്പെട്ട സംഭവത്തിൽ വലിയ പ്രതിഷേധമാണ് തമിഴ്‌നാട്ടിൽ നിന്നും ഉയരുന്നത്.കൊല്ലപ്പെട്ട ജയരാജന്‍, മകന്‍ ഫെനിക്സ് എന്നിവര്‍ക്കു നീതി വേണമെന്നാവശ്യപ്പെട്ട് ട്വിറ്റര്‍ ഉള്‍പ്പെടെ ഹാഷ്‌ടാഗ് ക്യാമ്പയിനുകൾ നടക്കുന്നുണ്ട്. ഇപ്പോളിതാ വിഷയത്തിൽ പ്രതികരണവുമായി എത്തിയിരിക്കുകയാണ് തമിഴ് സൂപ്പർതാരം സൂര്യ.

സംഭവത്തിൽ തങ്ങളുടെ കര്‍ത്തവ്യത്തില്‍ വീഴ്‍ച വരുത്തിയ ഓരോരുത്തരെയും നിയമത്തിനു മുന്നില്‍ കൊണ്ടുവരണമെന്നും ഇവർക്ക് അർഹമായ ശിക്ഷ വാങ്ങിനൽകണമെന്നും സൂര്യ വ്യക്തമാക്കി.