'ഒരു നടിയാവാനുള്ള സാധ്യത ഒക്കെ കാണുന്നുണ്ട്';വിജയ രാഘവന്റെ മകളായി തേരില്‍, സന്തോഷത്തിലാണ് നില്‍ജ

നില്‍ജ കെ ബേബി എന്ന നടി മലയാള സിനിമയില്‍ പതിയെ തന്റേതായ ഇടം കണ്ടെത്തുകയാണ്. സൗദി വെള്ളക്ക റിലീസായശേഷം നില്‍ജയുടെ പ്രദര്‍ശനം തുടരുന്ന ചിത്രമാണ് തേര്. സിനിമയില്‍ വിജയ രാഘവന്റെ മകളായി അഭിനയിക്കാന്‍ സാധിച്ച സന്തോഷത്തിലാണ് നടി.

'പണ്ട് കൈരളി ടിവിയില്‍ കഥാപ്രസംഗ റിയാലിറ്റി ഷോയില്‍ (കഥ പറയുമ്പോള്‍) പങ്കെടുത്തിരുന്ന സമയം.. അന്നത്തെ വിധി കര്‍ത്താക്കളില്‍ ഒരാള്‍ വിജയ രാഘവന്‍ സാര്‍ ആയിരുന്നു.. ഓരോ കഥ പറഞ്ഞു കഴിയുമ്പോളും തെറ്റ് തിരുത്തലുകളും, അഭിനന്ദനങ്ങളും ധാരാളം ഉണ്ടാവും. ഒപ്പം ഇടയ്ക്ക് പല തവണ സാര്‍ ഒരു കാര്യം പറഞ്ഞിരുന്നു.. :ഒരു നടിയാവാനുള്ള സാധ്യത ഒക്കെ കാണുന്നുണ്ട്... ഭാവിയില്‍ അങ്ങനെ സംഭവിക്കട്ടെ എന്ന്..' വളരെ ഊര്‍ജ്ജം തന്ന വാക്കുകള്‍ ആയിരുന്നു അത്. വര്‍ഷങ്ങള്‍ക്കിപ്പുറം തേര് എന്ന സിനിമയില്‍ അദ്ദേഹത്തിന്റെ മകളായി, അദ്ദേഹത്തോടൊപ്പം സ്‌ക്രീന്‍ പങ്കു വയ്ക്കാന്‍ അവസരം കിട്ടിയപ്പോള്‍ എന്തെന്നില്ലാത്ത സന്തോഷം. 

കൊതിയാവുന്നു - കാലം മുന്നോട്ട് എന്തൊക്കെയാണ് കാത്തു വെച്ചിരിക്കുന്നത് എന്നറിയാന്‍ 

മറ്റ് വിധി കര്‍ത്താക്കള്‍ ആയിരുന്ന അനുജ ഭട്ടതിരി,വസന്തകുമാര്‍ സാംബശിവന്‍ സ്‌നേഹത്തോടെ ഓര്‍ക്കുന്നു.'-നില്‍ജ കുറിച്ചു.