മഴവില്‍ മനോരമയും താരസംഘടനയായ അമ്മയും ചേര്‍ന്ന് നടത്തുന്ന മഴവില്‍ എന്റര്‍ടൈന്‍മെന്റ് അവാര്‍ഡ്‌സ് 2023ലെ റിഹേഴ്‌സല്‍ ക്യാമ്പില്‍ നിന്നുള്ള ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. മോഹന്‍ലാലിനെ കുറിച്ചുളള നാലു വയസ്സുകാരിയായ ഹെസ്സ മെഹക്ക് എഴുതിയ വിവരണം നടന്‍ തന്നെ അരികിലെത്തി കേള്‍ക്കുന്നതാണ് ചിത്രത്തില്‍ കാണാനാകുന്നത്. തൊട്ടരികിലായി മമ്മൂട്ടി ഉള്‍പ്പെടെയുള്ള താരങ്ങളെയും കാണാം.
താര സംഘടനയിലെ 120ല്‍ കൂടുതല്‍ അംഗങ്ങള്‍ ഷോയില്‍ പങ്കെടുക്കും. ഓണത്തിന് ശനി, ഞായര്‍ ദിവസങ്ങളിലാകും ഷോ സംപ്രേക്ഷണം ചെയ്യുക. ഇടവേള ബാബു ആണ് ഷോ ഡയറക്ടര്‍.
നടി പ്രാചി തെഹ്ലാനാണ് ചിത്രങ്ങള്‍ പങ്കുവെച്ചത്.റിഹേഴ്‌സല്‍ ക്യാമ്പില്‍ നിന്നും പകര്‍ത്തിയ ചിത്രങ്ങള്‍ ആണിത്.പൊന്നമ്മ ബാബു, ജോമോള്‍, ധന്യ മമരി വര്‍ഗീസ്, അനു സിത്താര, ലക്ഷ്മി ഗോപാലസ്വാമി തുടങ്ങിയ താരങ്ങളെയും നടിയുടെ കൂടെ കാണാനായി.
