പ്രേക്ഷകരില്‍ ആകാംക്ഷ നിറച്ച് 'ഗാന്ധി-ഗോഡ്സെ ഏക് യുദ്ധ്',ജനുവരി 26ന് തിയേറ്ററുകളിലേക്ക്

'ഗാന്ധി-ഗോഡ്സെ ഏക് യുദ്ധ്' മോഷന്‍ പോസ്റ്റര്‍ പുറത്തിറങ്ങി. 9 വര്‍ഷത്തെ ഇടവേളക്ക് ശേഷം സംവിധായകന്‍ രാജ്കുമാര്‍ സന്തോഷിയുടെ തിരിച്ചുവരവ് അടയാളപ്പെടുത്തുന്ന സിനിമ കൂടിയാണിത്.

മഹാത്മാഗാന്ധിയുടെയും നാഥുറാം ഗോഡ്സെയുടെയും ആശയങ്ങളെ അടിസ്ഥാനമാക്കിയുള്ള സിനിമ എന്നത് തന്നെയാണ് ചിത്രത്തിന്റെ പ്രത്യേകത.

<

#RajkumarSantoshi brings to you the first glimpse of the biggest #WarOfIdeologies - #GandhiGodseEkYudh!
Releasing on #RepublicDay, 26th January, 2023 in cinemas near you. @ANTANID20 #ChinmayMandlekar @pawanchopra1969 #MukundPathak #TanishaSantoshi #GhanshyamSrivastva pic.twitter.com/tw9H4nGY6N

— PVR Pictures (@PicturesPVR) December 27, 2022 >

ദീപക് അന്താനിയാണ് മഹാത്മാഗാന്ധിയുടെ വേഷത്തില്‍ എത്തുന്നത്.നാഥുറാം ഗോഡ്സെയായി ചിന്മയ് മണ്ഡ്‌ലേക്കര്‍ വേഷമിടുന്നു. ഇന്ത്യയുടെ പ്രഥമ പ്രധാനമന്ത്രി ജവഹര്‍ലാല്‍ നെഹ്‌റു ഉള്‍പ്പെടെയുള്ളവരുടെ കഥാപാത്രങ്ങള്‍ സിനിമയിലുണ്ട്. എ ആര്‍ റഹ്‌മാന്‍ ആണ് സംഗീതസംവിധാനം. 2023 ജനുവരി 26ന് ചിത്രം തിയേറ്ററുകളില്‍ എത്തും.

 അസ്ഗര്‍ വജാഹത്തും രാജ്കുമാര്‍ സന്തോഷിയും ചേര്‍ന്നാണ് തിരക്കഥ ഒരുക്കിയിരിക്കുന്നത്.സന്തോഷി പ്രൊഡക്ഷന്‍സ് എല്‍എല്‍പി ആണ് ചിത്രം നിര്‍മ്മിക്കുന്നത്.