ദുല്‍ഖറിന് വണ്ടി വാങ്ങി കൊടുക്കാന്‍ മമ്മൂട്ടിക്ക് പേടിയായിരുന്നു !

മലയാളത്തിന്റെ പ്രിയപ്പെട്ട താരപുത്രനാണ് ദുല്‍ഖര്‍ സല്‍മാന്‍. വാപ്പിച്ചിയും മലയാളത്തിന്റെ മെഗാസ്റ്റാറുമായ മമ്മൂട്ടിയാണ് തന്റെ റോള്‍മോഡലെന്ന് ദുല്‍ഖര്‍ പല വേദികളിലും തുറന്നുപറഞ്ഞിട്ടുണ്ട്. സിനിമയില്‍ കാര്‍ക്കശ്യക്കാരനായ മമ്മൂട്ടി വീട്ടില്‍ അങ്ങനെയല്ലെന്നാണ് ദുല്‍ഖര്‍ പറയുന്നത്. എല്ലാവരോടും വളരെ സ്‌നേഹവും വാത്സല്യവുമാണ് അദ്ദേഹത്തിന്. മക്കളുടെ കാര്യത്തില്‍ വളരെ കരുതലും സ്‌നേഹവും ഉള്ള മനോഭാവം. 

തനിക്ക് ചെറുപ്പം മുതലേ ബൈക്കുകളോടും കാറുകളോടും വല്ലാത്ത ക്രേസ് ഉണ്ടായിരുന്നെന്ന് ദുല്‍ഖര്‍ ഓര്‍ക്കുന്നു. എന്നാല്‍, വണ്ടികള്‍ വാങ്ങി തരാന്‍ വാപ്പിച്ചിക്ക് പേടിയായിരുന്നെന്നും ദുല്‍ഖര്‍ പറയുന്നു. വാഹനമോടിക്കുമ്പോള്‍ അപകടം പറ്റുമോ എന്ന പേടിയായിരുന്നു മമ്മൂട്ടിക്ക്. കാര്‍ വാങ്ങി തന്നാലും ബൈക്ക് വാങ്ങി തരില്ല എന്ന് വാപ്പിച്ചി പണ്ട് തന്നോട് പറഞ്ഞിട്ടുണ്ടെന്ന് പഴയൊരു അഭിമുഖത്തില്‍ ദുല്‍ഖര്‍ പങ്കുവച്ചിട്ടുണ്ട്.