'കണ്ണില്‍ നിന്ന് ഇറ്റിറ്റു വീഴുന്ന കണ്ണുനീര്‍', കോവിഡ് ഭീതി ചിത്രം വരച്ച് അനുപമ പരമേശ്വരന്‍, കൈയടിച്ച് സോഷ്യല്‍ മീഡിയ !

രാജ്യത്ത് ദിനം പ്രതി വര്‍ദ്ധിച്ചുവരുന്ന കോവിഡ് കണക്കുകള്‍ ഏതൊരാളെയും പോലെ അനുപമ പരമേശ്വരനും ആശങ്കപ്പെടുത്തുന്നു. ഈ പ്രതിസന്ധി കാലഘട്ടത്തെ ചായങ്ങളുടെ സഹായത്താല്‍ പേപ്പറിലേക്ക് പകര്‍ത്തിയിരിക്കുകയാണ് നടി. മാസ്‌ക് അണിഞ്ഞ് കണ്ണില്‍ നിന്ന് കണ്ണുനീര്‍ ഇറ്റിറ്റു വീഴുന്ന അനുപമയുടെ ചിത്രത്തിന് കൈയ്യടിക്കുകയാണ് സോഷ്യല്‍ മീഡിയ.ഡല്‍ഹി സര്‍ക്കാര്‍ ആശുപത്രിയിലെ ഡോ. സാന്ദ്ര സെബാസ്റ്റ്യന്റെ ഒരു വിഡിയോയാണ് താരത്തിനെ വരയ്ക്കാന്‍ പ്രേരിപ്പിച്ചത്.

കോവിഡ് കാലഘട്ടത്തില്‍ ആരോഗ്യ പ്രവര്‍ത്തകര്‍ നേരിടുന്ന വെല്ലുവിളികളെ കുറിച്ചായിരുന്നു ഡോക്ടറുടെ വീഡിയോ.

'ഒരു മികച്ച കലാകാരിയല്ല. പക്ഷെ ഞാന്‍ എത്ര ആശങ്കയിലാണെന്നു പ്രകടിപ്പിക്കേണ്ടതുണ്ട്.നമ്മുടെ രാജ്യത്ത് മാത്രം 1 മുതല്‍ 17625735 വരെ രോഗികള്‍ ഇതാണ് യഥാര്‍ത്ഥ ആളുകള്‍'- അനുപമ പരമേശ്വരന്‍ തന്റെ ചിത്രത്തിനു താഴെ കുറിച്ചു.

'മണിയറയിലെ അശോകന്‍' എന്ന ചിത്രമാണ് നടിയുമായി ഒടുവില്‍ റിലീസ് ചെയ്തത്.