ആറാട്ടിനെ പിന്നിലാക്കാന്‍ രാജമൗലിയുടെ 'ആര്‍ആര്‍ആര്‍'നും ആയില്ല,മോഹന്‍ലാല്‍ ചിത്രം ഒന്നാമത് തന്നെ

റിലീസിനു മുന്‍പേ മോഹന്‍ലാല്‍ ചിത്രങ്ങള്‍ പലപ്പോഴും വലിയ നേട്ടങ്ങള്‍ സ്വന്തമാകാറുണ്ട്. സിനിമ ഡാറ്റാബേസ് വെബ്‌സൈറ്റ് ആയ ഐ.എം.ഡി.ബിയില്‍ പുതിയൊരു റെക്കോര്‍ഡ് കൂടി നേടി ആറാട്ട്. ഏറ്റവും അധികം ആളുകള്‍ പ്രതീക്ഷയോടെ കാത്തിരിക്കുന്ന ഇന്ത്യന്‍ സിനിമകളുടെ പട്ടികയില്‍ ഒന്നാമത് മോഹന്‍ലാല്‍ ചിത്രം.

രാജമൗലിയുടെ ആര്‍ആര്‍ആര്‍ രണ്ടാംസ്ഥാനത്തും ആലിയ ഭട്ടിന്റെ 

ഗാംഗുഭായി മൂന്നാം സ്ഥാനത്തുമാണ്. അജയ് ദേവഗണ്‍ ചിത്രം രുദ്ര നാലാമതും ക്രൈം ത്രില്ലര്‍ ലാവ് ഹോസ്റ്റല്‍,മിഥ്യ, രാധേ ശ്യാം, ജണ്ട്,വലിമൈ തുടങ്ങിയ ചിത്രങ്ങളാണ് തുടര്‍ന്നുള്ള സ്ഥാനങ്ങളില്‍.

ഒരുപാട് കാലങ്ങളായി മലയാള സിനിമയില്‍ ഇറങ്ങിയിട്ടില്ലാത്ത തരം സിനിമയാണിതെന്ന് നടന്‍ പറഞ്ഞു.ചിരി പിടിച്ചു നിര്‍ത്താന്‍ കഴിയില്ല, അത്രത്തോളം തമാശ നിറഞ്ഞ സിനിമയാണ്.നെയ്യാറ്റിന്‍കര ഗോപന്റെ 'ആറാട്ട്' കണ്ടിറങ്ങുമ്പോള്‍ ഒരു ആറാട്ടിന് പോയ അനുഭവം തന്നെയായിരിക്കുമെന്നും അദ്ദേഹം ഒരു അഭിമുഖത്തിനിടെ പറഞ്ഞു.