2020നെ ഡിലീറ്റ് ചെയ്യണം, ആവശ്യവുമായി അമിതാഭ് ബച്ചന്‍

മെഗാസ്റ്റാർ അമിതാഭ് ബച്ചൻ തിങ്കളാഴ്ച ഇൻസ്റ്റാഗ്രാമിൽ സവിശേഷമായ ഒരു ചിന്ത പങ്കുവച്ചു. 2020 എന്ന വർഷം ഡിലീറ്റ് ചെയ്യുന്നതിനെക്കുറിച്ചാണ് ആ ചിന്ത. 2020ന്‍റെ ഇപ്പോഴത്തെ വേര്‍ഷന്‍ ‘വൈറസ്’ ആയതിനാല്‍ അത് ഡിലീറ്റ് ചെയ്‌ത് പുതിയ വേഷന്‍ അപ്‌ലോഡ് ചെയ്‌താലോ എന്നാണ് ബിഗ്ബി ആലോചിക്കുന്നത് !

എന്തായാലും അമിതാഭ് ബച്ചന്‍റെ ഈ ചിന്ത സോഷ്യല്‍ മീഡിയയില്‍ സൂപ്പര്‍ഹിറ്റായിട്ടുണ്ട്. പക്ഷേ, ഇതിന് തൊട്ടുമുമ്പ് കൊറോണ വൈറസിനെക്കുറിച്ചുള്ള അമിതാഭിന്‍റെ അഭിപ്രായപ്രകടനങ്ങള്‍ വിവാദമായതിനെ തുടര്‍ന്ന് അദ്ദേഹം തന്നെ അവ പിന്‍‌വലിച്ചിരുന്നു.