ഡെന്‍മാര്‍ക്ക് ഓപ്പണ്‍: ത്രസിപ്പിക്കുന്ന ജയത്തോടെ എച്ച്‌ എസ് പ്രണോയ്; സൈനയും ശ്രീകാന്തും ക്വാര്‍ട്ടറില്‍
ഡെന്‍മാര്‍ക്ക് ഓപ്പണ്‍: അട്ടിമറി വിജയവുമായ് പ്രണോയ്; ശ്രീകാന്തും സൈനയും ക്വാര്‍ട്ടറില്‍
ഡെന്‍മാര്‍ക്ക് ഓപ്പണ്‍ ബാഡ്മിന്റണില്‍ തകര്‍പ്പന്‍ വിജയത്തോടെ മലയാളി താരം എച്ച്‌ എസ് പ്രണോയ്. മുന്‍ ലോക ഒന്നാം നമ്പര്‍ താരമായ ലീ ചോങ് വെയെ അട്ടിമറിച്ചാണ് പ്രണോയ് ഡെന്‍മാര്‍ക്ക് ഓപ്പണ്‍ ബാഡ്മിന്റണ് ക്വാര്‍ട്ടര്‍ ഫൈനലില്‍ പ്രവേശിച്ചത്. സ്കോര്‍: 21-17, 11-21, 21-19.
നാല് മാസം മുമ്പ് ഇന്‍ഡൊനീഷ്യന്‍ ഓപ്പണിലും പ്രണോയ്, ലീ ചോങ് വെയെ വീഴ്ത്തിയിരുന്നു. 2005ലും 2012ലും ഡെന്‍മാര്‍ക്ക് ഓപ്പണില്‍ കിരീടം നേടിയ താരമാണ് ലീ ചോങ് വെയ്. അതേസമയം, വനിതാ വിഭാഗം രണ്ടാം റൗണ്ടില്‍ സൈന നെഹ്വാള്‍ ക്വാര്‍ട്ടറില്‍ പ്രവേശിച്ചു.
തായ്ലന്‍ഡിന്റെ നിച്ചവോണ്‍ ജിന്‍ഡാപോളിനെ നേരിട്ടുള്ള ഗെയിമുകള്‍ള്‍ക്ക് തോല്‍പിച്ചാണ് സൈനയുടെ ക്വാര്‍ട്ടര്‍ പ്രവേശം. സ്കോര്‍: 22-20, 21-13. ലോക എട്ടാം നമ്പറായ കിഡംബി ശ്രീകാന്ത് ദക്ഷിണ കൊറിയയുടെ യോണ്‍ ഹ്യോക്ക് ജിന്നിനെ തോല്‍പിച്ച് ക്വാര്‍ട്ടറില്‍ പ്രവേശിച്ചു. സ്കോര്‍: 21-13, 8-21, 21-18
ക്വാര്‍ട്ടറില്‍ ടൂര്‍ണമെന്റിലെ ഒന്നാം സീഡായ ദക്ഷിണ കൊറിയയുടെ സോന്‍ വാന്‍ ഹോയെയാണ് പ്രണോയ് നേരിടുക എതിരാളി. ശ്രീകാന്ത് രണ്ടാം സീഡും ആതിഥേയ താരവുമായ വിക്ടര്‍ അസെല്‍സനെയും നേരിടും.
