തലച്ചോറിലെ രക്തസ്രാവത്തെ തുടർന്ന് അതിവ ഗുരുതരാവസ്ഥയിൽ ചികിത്സയിൽ കഴിയുന്ന പ്രണബ് മുഖർജിയുടെ ആരോഗ്യനിലയിൽ നേരിയ പുരോഗതിയെന്ന് ഡൽഹി ആർമി ആശുപത്രി. അദ്ദേഹത്തിന്റെ കൃഷ്ണമണി പ്രകാശത്തോട് പ്രതികരിയ്ക്കുന്നുണ്ട് എന്നും ചീകിത്സയോട് നേരിയ രീതിയിൽ പ്രതികരിച്ച് തുടങ്ങിയെന്നും ഡൽഹി ആർമി ആശുപത്രി വ്യക്തമാക്കി.
വെന്റിലേറ്ററിന്റെ സഹായത്തോടെയാണ് ഇപ്പോഴും പ്രണബ് മുഖർജി തുടരുന്നത്. പ്രണബ് മുഖർജിയുടെ ആരോഗ്യ നിലയെ സംബന്ധിച്ച് പല ഊഹാപോഹങ്ങളും വ്യാജ വാർത്തജളും പ്രചരിച്ചിരുന്നു. ഇതിനെതിരെ പ്രണബ് മുഖർജിയുടെ മകൻ തന്നെ കഴിഞ്ഞ ദിവസം രംഗത്തുവന്നിരുന്നു. അച്ഛൻ ഇപ്പോഴും ജീവനോടെയുണ്ട് എന്നും വ്യജ വാർത്തകളും ഊഹാപോഹങ്ങളും പ്രചരിപ്പിയ്ക്കരുത് എന്നുമായിരുന്നു മാധ്യമങ്ങളെ വിമർശിച്ചുകൊണ്ട് അഭിജിത് മുഖർജിയുടെ ട്വീറ്റ്.
