കാസര്‍ഗോഡ് നിന്നും ഐഎസില്‍ ചേര്‍ന്ന മലയാളികള്‍ എട്ടുപേരും കൊല്ലപ്പെട്ടു; സ്ഥിരീകരിച്ച് എൻഐഎ
യുഎസ് സൈന്യം അഫ്ഗാനില്‍ നടത്തിയ വ്യോമാക്രമണത്തിലാണ് ഇവര്‍ കൊല്ലപ്പെട്ടത്.
ഭീകസംഘടനയായ ഐഎസില്‍ ചേര്‍ന്ന മലയാളികള്‍ എട്ടുപേരും കൊല്ലപ്പെട്ടു. ദേശീയ അന്വേഷണ ഏജന്‍സിയായ എന്‍ഐഎയാണ് ഇതുസംബന്ധിച്ച് സ്ഥിരീകരണം നടത്തിയത്. യുഎസ് സൈന്യം അഫ്ഗാനില്‍ നടത്തിയ വ്യോമാക്രമണത്തിലാണ് ഇവര്‍ കൊല്ലപ്പെട്ടത്. കാസര്‍ഗോഡ് ജില്ലയില്‍ നിന്ന് ഐഎസില്‍ ചേര്‍ന്നവരാണ് കൊല്ലപ്പെട്ടത്.
ഇതാദ്യമായാണ് അഫ്ഗാനില്‍ ഐഎസില്‍ ചേര്‍ന്നവര്‍ കൊല്ലപ്പെട്ടതായി എന്‍ഐഎയുടെ ഭാഗത്തു നിന്ന് സ്ഥിരീകരണം വരുന്നത്. കൂടുതല്‍ നടപടികള്‍ക്കായി എന്‍ഐഎ അഫ്ഗാന്‍ സര്‍ക്കാരുമായി ബന്ധപ്പെട്ടിട്ടുണ്ട്.
