ഡൽഹിയിലെ എഐസിസി ഓഫീസിൽ പോലീസ് നടത്തിയ അതിക്രമത്തിൽ പ്രതിഷേധിച്ച് നാളെ രാജ്യവ്യാപക പ്രതിഷേധത്തിന് ആഹ്വാനം ചെയ്ത് കോൺഗ്രസ്. നാഷണൽ ഹെറാൾഡ് കേസിൽ രാഹുൽഗാന്ധിയെ ഇ ഡി ചോദ്യം ചെയ്യുന്നതിനെതിരെ ഇന്നും കടുത്ത പ്രതിഷേധമാണ് ഡൽഹിയിൽ ഉണ്ടായത്.
എല്ലാ പാർട്ടി എംപിമാരോടും ഉടനെ തന്നെ ഡൽഹിയിലെത്താനാണ് കോൺഗ്രസ് നേതൃത്വത്തിന്റെ നിർദേശം. നാളെ സംസ്ഥാന രാജ്ഭവനുകൾ കോൺഗ്രസ് ഉപരോധിക്കും. വെള്ളിയാഴ്ച ജില്ലാ ആസ്ഥാനങ്ങളിൽ പ്രതിഷേധം സംഘടിപ്പിക്കാനും കോൺഗ്രസ് നേതൃത്വം നിർദേശം നൽകി.
