വസ്ത്രധാരണത്തില്‍ ആന്റണിയേക്കാള്‍ ഭേദമാണ് താനെന്ന് പരീക്കര്‍; ലാളിത്യത്തിന്റെ പേരില്‍ ഒരിക്കലും വോട്ടു ചോദിക്കില്ലെന്നും പ്രതിരോധമന്ത്രി
വസ്ത്രധാരണത്തില്‍ താന്‍ ആന്റണിയേക്കാള്‍ ഭേദമാണെന്ന് പരീക്കര്‍
വസ്ത്രധാരണത്തില്‍ താന്‍ മുന്‍ പ്രതിരോധമന്ത്രി എ കെ ആന്റണിയേക്കാള്‍ ഭേദമാണെന്ന് പ്രതിരോധമന്ത്രി മനോഹര്‍ പരീക്കര്‍. മുംബൈയില്‍ വെച്ചായിരുന്നു മന്ത്രിയുടെ പ്രതികരണം. പ്രതിരോധം പോലെ വളരെ പ്രധാനപ്പെട്ട വകുപ്പിലുള്ള മന്ത്രിയുടെ ലളിതമായ വസ്ത്രധാരണത്തെക്കുറിച്ച് ചോദിച്ചപ്പോള്‍ ആയിരുന്നു അദ്ദേഹത്തിന്റെ പ്രതികരണം.
പാശ്ചാത്യ വസ്ത്രധാരണരീതികളില്‍ താല്പര്യമില്ല. സ്യൂട്ട് പോലുള്ള വസ്ത്രങ്ങള്‍ ഇത്രത്തോളം സൌകര്യപ്രദമാകില്ല. എന്നാല്‍, താന്‍ മുന്‍ പ്രതിരോധമന്ത്രി എ കെ ആന്റണിയേക്കാള്‍ നന്നായി വസ്ത്രധാരണം ചെയ്യുന്നുണ്ടെന്നും പരീക്കര്‍ മറുപടി നല്കി.
തനിക്ക് താല്പര്യം ഗോവയില്‍ തങ്ങാനാണെന്നും പ്രതിരോധവിഭാഗം ഡല്‍ഹിയിലായതിനാല്‍ മാത്രമാണ് അവിടെ തങ്ങുന്നതെന്നും അദ്ദേഹം വ്യക്തമാക്കി. ഐ ഐ ടി പൂര്‍വ്വവിദ്യാര്‍ത്ഥിയാണ് താന്‍. ഒരിക്കലും ലാളിത്യത്തിന്റെ പേരില്‍ വോട്ട് ചോദിക്കില്ലെന്നും അദ്ദേഹം വ്യക്തമാക്കി.
പ്രതിരോധമന്ത്രിയായപ്പോഴും എ കെ ആന്റണി മുണ്ടും ഷര്‍ട്ടും ആയിരുന്നു ധരിച്ചിരുന്നത്. ഇത് ഏറെ ചര്‍ച്ച ചെയ്യപ്പെട്ടിരുന്നു.
