ഒറ്റയ്ക്ക് കേവലപൂരിപക്ഷം നേടുമെന്ന് ആത്മവിശ്വാസത്തിലാണ് കോണ്‍ഗ്രസ്. ആരുടെയും പിന്തുണയില്ലാതെ കോണ്‍ഗ്രസ് അധികാരത്തിലേറുമെന്നും സഹകരിക്കാന്‍ ആരെങ്കിലും തയ്യാറായാല്‍ മാത്രം ചര്‍ച്ച ചെയ്യുമെന്നും കോണ്‍ഗ്രസ് വ്യക്തമാക്കി. അതേസമയം കനക്പുരയില്‍ കെപിസിസി അധ്യക്ഷന്‍ ഡി കെ ശിവകുമാറിന്റെ ലീഡ് അമ്പതിനായിരത്തിലേക്ക് എത്തിയിരിക്കുകയാണ്. മിന്നുന്ന വിജയം ആഘോഷിക്കുന്ന വേളയില്‍ കെപിസിസി ആസ്ഥാനത്ത് മുന്‍ മുഖ്യമന്ത്രി സിദ്ധരാമയ്യ എത്തിയിട്ടുണ്ട്. പാര്‍ട്ടി പ്രവര്‍ത്തകര്‍ക്കൊപ്പം മധുരം കഴിച്ച് വിജയം ആഘോഷിക്കുകയാണ് അദ്ദേഹം.
