കശ്മീരില്‍ മൂന്ന് ജെയ്‌ഷെ ഭീകരരെ സുരക്ഷാ സേന വധിച്ചു. കശ്മീരിലെ ത്രാലിലാണ് ഏറ്റുമുട്ടല്‍ ഉണ്ടായത്. മരണപ്പെട്ടവരുടെ പേരുവിവരങ്ങള്‍ പുറത്തുവിട്ടിട്ടില്ല. കൂടാതെ അവന്തിപോരയിലെ നഗ്‌ബോരാന്‍ ത്രാലില്‍ ഭീകരരുമായുള്ള ഏറ്റുമുട്ടല്‍ തുടരുകയാണ്. പൊലീസും സുരക്ഷാസേനയുമാണ് തിരച്ചില്‍ നടത്തുന്നത്. ഇന്ന് പുലര്‍ച്ചെമുതലാണ് ഏറ്റുമുട്ടല്‍ ആരംഭിച്ചത്. 24 മണിക്കൂറിനിടെയുള്ള രണ്ടാമത്തെ ഏറ്റുമുട്ടലാണിത്. കശ്മീര്‍പൊലീസാണ് വിവരം പുറത്തുവിട്ടത്.
