ചൈന സ്വന്തമെന്ന് അവകാശപ്പെടുന്ന ദക്ഷിണ ചൈന കടലില്‍ ഇന്ത്യ യുദ്ധക്കപ്പലുകള്‍ വിന്യസിച്ചു. ലഡാക്കിലെ ഗാല്‍വന്‍ താഴ്വരയിലെ സംഘര്‍ഷത്തില്‍ ചൈന ഇന്ത്യയുടെ നിലപാട് അംഗീകരിക്കാത്തതിനെ തുടര്‍ന്നാണ് നടപടി. ഇന്ത്യക്കു പുറമേ അമേരിക്കയുടെ കൂറ്റന്‍ വിമാന വാഹിനികളും പ്രദേശത്ത് നിലയുറപ്പിച്ചിട്ടുണ്ട്. കഴിഞ്ഞ ദിവസങ്ങളില്‍ ചൈന കടലില്‍ മിസൈല്‍ പരീക്ഷണം നടത്തിയതായും റിപ്പോര്‍ട്ട് വന്നിരുന്നു.
ദക്ഷിണ ചൈനാക്കടല്‍ തങ്ങളുടെ സ്വന്തമെന്നാണ് വര്‍ഷങ്ങളായി ചൈന വാദിച്ചുകൊണ്ടിരിക്കുന്നത്. എന്നാല്‍ ഇന്ത്യയുടെ യുദ്ധക്കപ്പലുകള്‍ വിന്യസിക്കപ്പെട്ടത് ചൈനയ്ക്ക് തിരിച്ചടിയായിരിക്കുകയാണ്.
