ഗുര്‍മീതിനൊപ്പം ജയിലിലേക്ക് ഇവര്‍ എത്തുമോ ?; അനുവദിച്ചില്ലെങ്കില്‍ ഉദ്യോഗസ്ഥരെ സസ്‌പെന്‍ഡ് ചെയ്യിക്കുമെന്ന് ഭീഷണി
ഗുര്‍മീതിനൊപ്പം ജയിലിലേക്ക് ഇവര്‍ എത്തുമോ ?; അനുവദിച്ചില്ലെങ്കില്‍ ഉദ്യോഗസ്ഥരെ സസ്‌പെന്‍ഡ് ചെയ്യിക്കുമെന്ന് ഭീഷണി
തനിക്കൊപ്പം ജയിലിലേക്ക് വളര്‍ത്തു മകളായ ഹണിപ്രീതിനെക്കൂടി അയക്കണമെന്ന് മാനഭംഗക്കേസിൽ ശിക്ഷിക്കപ്പെട്ട ദേര സച്ചാ സൗദാ തലവൻ ഗുർമീത് റാം റഹീം സിംഗ് ആവശ്യപ്പെട്ടതായി റിപ്പോര്‍ട്ട്.
ശാരീരിക അവശതകള്‍ നേരിടുന്നതിനാല്‍ സഹായത്തിന് ഹണിപ്രീതിനെ ഒപ്പം അയക്കണമെന്ന് ഗുര്‍മീത് പഞ്ച്കുള സിബിഐ കോടതിയില്‍ അപേക്ഷ നല്‍കിയിരുന്നു. എന്നാല്‍ ഗുര്‍മീതിന്റെ ആവശ്യം സിബിഐ കോടതി നിരസിച്ചു.
ഗുര്‍മീത് കോടതിയില്‍ ഹര്‍ജി നല്‍കിയപ്പോള്‍ മകള്‍ ഹണിപ്രീത് അഭിഭാഷകന്‍ മുഖേനയാണ് ഈ ആവശ്യം ഉന്നയിച്ചത്.
പ്രതിക്കൊപ്പം മറ്റൊരാള്‍ ജയിലില്‍ കഴിയണോ എന്ന കാര്യത്തില്‍ ജയില്‍ അധികൃതരാണ് തീരുമാനം എടുക്കേണ്ടതെന്നും കോടതിക്ക് ഇക്കാര്യത്തില്‍ തീരുമാനം എടുക്കാന്‍ സാധിക്കില്ലെന്നും കോടതി വ്യക്തമാക്കുകയായിരുന്നു.
തനിക്കൊപ്പം ഹണിപ്രീതിനെ ജയിലില്‍ കഴിയാന്‍ അനുവദിച്ചില്ലെങ്കില്‍ ജയില്‍ ഉദ്യോഗസ്ഥരെ സസ്‌പെന്‍ഡ് ചെയ്യിക്കുമെന്ന് ഗുര്‍മീത് ഭീഷണി മുഴക്കിയതായി റിപ്പോര്‍ട്ട് പുറത്തുവരുന്നുണ്ട്.
