ഹൈദരാബാദില്‍ വ്യാജ പീഡന പരാതി നല്‍കിയ 19കാരി ആത്മഹത്യ ചെയ്ത നിലയില്‍. കുറച്ചു നാളുകള്‍ക്കുമുന്‍പാണ് ഫാര്‍മസി വിദ്യാര്‍ത്ഥിനി കൂടിയായ പെണ്‍കുട്ടി തന്നെ ഓട്ടോ ഡ്രൈവറും കൂട്ടാളികളും കൂടി പീഡിപ്പിച്ചെന്ന് പരാതിപ്പെട്ടത്. എന്നാല്‍ പരാതി വ്യാജമെന്ന് പിന്നീട് തെളിയുകയായിരുന്നു. ഇന്നലെ രാവിലെ ആത്മഹത്യ ചെയ്ത നിലയില്‍ പെണ്‍കുട്ടിയെ കണ്ടെത്തുകയും 10.55ഓടെ ആശുപത്രിയില്‍ എത്തിക്കുകയും 11മണിയോടെ മരണം സ്ഥിരീകരിക്കുകയുമായിരുന്നു.
പെണ്‍കുട്ടിക്ക് വിഷാദ രോഗം ഉണ്ടായിരുന്നതായി പറയുന്നു. ഫെബ്രുവരി 10ന് കോളേജ് വിട്ടുവരുമ്പോള്‍ തന്നെ പീഡിപ്പിച്ചുവെന്നാണ് പെണ്‍കുട്ടി പറഞ്ഞിരുന്നത്. പൊലീസ് സിസിടിവി ഉള്‍പ്പെടെയുള്ള ശാസ്ത്രീയ തെളിവുകള്‍ പരിശോധിച്ച് പരാതി വ്യാജമെന്ന് കണ്ടെത്തുകയും ഇതേതുടര്‍ന്ന് നിരവധി ആക്ഷേപങ്ങള്‍ പെണ്‍കുട്ടിക്ക് നേരിടേണ്ടിയും വന്നു. സംഭവത്തെ തുടര്‍ന്ന് പെണ്‍കുട്ടിക്ക് ഫോണ്‍ കൊടുത്തിരുന്നില്ല. പുറം ലോകവുമായി യാതൊരു ബന്ധവും ഇല്ലായിരുന്നു. ഇത് വിഷാദത്തിലേക്ക് നയിച്ചെന്നാണ് കരുതുന്നത്.
