ധൃതി പിടിച്ച് വിശ്വാസവോട്ടെടുപ്പ് നടത്തുന്നത് എന്തിന്; എംഎല്‍എമാര്‍ സ്വതന്ത്രരായതിനു ശേഷം മറ്റൊരു ദിവസം വോട്ടെടുപ്പ് നടത്തണമെന്നും സ്റ്റാലിന്‍
എംഎല്‍എമാര്‍ സ്വതന്ത്രരായതിനു ശേഷം മറ്റൊരു ദിവസം വോട്ടെടുപ്പ് നടത്തണമെന്നും സ്റ്റാലിന്‍
ഭൂരിപക്ഷം തെളിയിക്കാന്‍ രണ്ടാഴ്ചസമയം ഗവര്‍ണര്‍ അനുവദിച്ചിട്ടും എന്തിനാണ് ഇത്ര ധൃതി പിടിച്ച് വിശ്വാസ വോട്ടെടുപ്പ് നടത്തുന്നതെന്ന് ഡി എം കെ നേതാവ് സ്റ്റാലിന്‍ നിയമസഭയില്‍ ചോദിച്ചു. എം എല്‍ എമാര്‍ സ്വതന്ത്രരായതിനു ശേഷം വേറൊരു ദിവസം വിശ്വാസവോട്ടെടുപ്പ് നടത്തണമെന്നും സ്റ്റാലിന്‍ ആവശ്യപ്പെട്ടെങ്കിലും സ്പീക്കര്‍ ഇത് അംഗീകരിച്ചില്ല.
കോണ്‍ഗ്രസ് നിയമസഭാക്ഷിനേതാവ് കെ ആര്‍ രാമസ്വാമിയും രഹസ്യ വോട്ടെടുപ്പ് നടത്തണമെന്ന് നിയമസഭയില്‍ സംസാരിക്കവെ ആവശ്യപ്പെട്ടു.
എം എല്‍ എമാര്‍ അവരുടെ നിയമസഭ മണ്ഡലങ്ങളില്‍ പോയി അഭിപ്രായം അറിഞ്ഞു വന്നതിനു ശേഷം വിശ്വാസ വോട്ടെടുപ്പ് നടത്തണമെന്ന് നിയമസഭയില്‍ സംസാരിച്ച് മുന്‍ മുഖ്യമന്ത്രി ഒ പനീര്‍സെല്‍വം ആവശ്യപ്പെട്ടു.
അതേസമയം, വിശ്വാസവോട്ടെടുപ്പിനു മുമ്പു തന്നെ പളനിസാമിയെ പിന്തുണയ്ക്കുന്നവരുടെ എണ്ണം 121 ആയി കുറഞ്ഞിരുന്നു. തമിഴ്നാട് മുന്‍ ഡി ജി പിയും മൈലാപ്പൂര്‍ എം എല്‍ എയുമായ നടരാജന്‍ ഒ പി എസ് പക്ഷത്തേക്ക് ഇന്നലെ തന്നെ എത്തിയിരുന്നു.
