നഗരത്തിലെ മൂന്നുശതമാനം വിവാഹമോചനങ്ങൾക്കും കാരണം ഗതാഗതക്കുരുക്കാണെന്ന വിവാദപ്രസ്താവനയുമായി മഹാരാഷ്ട്ര മുൻ മുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ്. സംസ്ഥാനത്തെ റോഡുകളുടെ അവസ്ഥ പരിതാപകരമാണെന്നും ഗതാഗതകുരുക്കിൽ കുരുങ്ങി ആളുകൾക്ക് കുടുംബത്തോടൊപ്പം ചിലവഴിക്കാൻ സമയം ലഭിക്കുന്നില്ലെന്നും അവർ പറഞ്ഞു.
ഫഡ്നാവിസിന്റെ ഭാര്യയാണെന്ന കാര്യം വിട്ടേക്കൂ. ഒരു സ്ത്രീ എന്ന നിലയിലാണ് സംസാരിക്കുന്നത്. റോഡിലെ കുഴികൾകാരണം നിങ്ങളെപ്പോലെ ഞാനും ഒരുപാട് ബുദ്ധിമുട്ടുകൾ അനുഭവിക്കുന്നു. അമൃത ഫഡ്നാവിസ് പറഞ്ഞു. അതേസമയം താൻ കേട്ട‌തിൽ വെച്ച് ഏറ്റവും യുക്തിയില്ലാത്ത പ്രസ്താവനയാണ് ഇതെന്ന് ശിവസേന നേതാവായ പ്രിയങ്ക ചതുർവേദി പറഞ്ഞു.
