ഛത്തീസ്ഗഢ് മുന്‍ മുഖ്യമന്ത്രി അജിത് ജോഗി അബോധാവസ്ഥയിലെന്ന് റിപ്പോർട്ട്. റായ്പുരിലെ ശ്രീനാരായാണ ആശുപത്രിയിൽ അബോധാവസ്ഥയിൽ കഴിയുന്ന അജിത് ജോഗി നിലവിൽ വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തുന്നത്.നിലവിൽ അജിത് ജോഗിയുടെ നില അതീവ ഗുരുതരമാണെന്ന് മെഡിക്കൽ ബുള്ളറ്റിനിൽ വ്യക്തമാക്കി.
റായ്പുരിലെ ശ്രീനാരായാണ ആശുപത്രിൽ ചികിത്സയിൽ കഴിയുന്ന ജോഗിക്ക് ശ്വാസതടസ്സം നേരിടുന്നതിനാൽ തലച്ചോറിലേക്ക് ഓക്‌സിജൻ ലഭിക്കുന്നില്ല. ഇത് തലച്ചോറിന്റെ പ്രവർത്തനത്തെ ബാധിച്ചതാണ് കോമയിൽ ആവാൻ കാരണമെന്ന് ഡോക്‌ടർമാർ വ്യക്തമാക്കി.
ശനിയാഴ്ച രാവിലെ വീട്ടില്‍ അബോധാവസ്ഥയിലായതിനെ തുടര്‍ന്നാണ് ഛത്തീസ്ഗഢ് മുന്‍ മുഖ്യമന്ത്രിയായ അജിത് ജോഗിയെ ആശുപത്രിയിൽ പ്രവേശിപ്പിച്ചത്
