മിനിബസ് നദിയിലേക്ക് മറിഞ്ഞ് 13 മരണം. 17 യാത്രക്കാരുമായി പോകുകയായിരുന്ന മിനി ബസ്സാണ് നിയന്ത്രണം നഷ്ടമായതിനെ തുടര്‍ന്ന് നദിയിലേക്ക് മറിഞ്ഞത്. അപകടത്തിൽ മൂന്നു പേർക്ക് പരിക്കേറ്റു. പരിക്കേറ്റവരുടെ നില അതീവ ഗുരുതരമാണ്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. കഴിഞ്ഞദിവസം രാത്രി 11.45നാണ് കോലാപുരിൽ ശിവാജി ബ്രിഡ്ജിലാണ് അപകടം നടന്നത്.
ഏറെ നേരത്തെ തെരച്ചിലിനൊടുവിലാണ് ഭൂരിഭാഗം പേരെയും കണ്ടെത്താനായത്. പൂനയിലെ ബലേവാഡിയിൽനിന്നുള്ളവരായിരുന്നു യാത്രക്കാർ. ഇവർ പൂനയിലെ ഗണപതിപുലെയിലേക്കു പോകുകയായിരുന്നു. ഡ്രൈവർ ഉറങ്ങിപ്പോയതായിരിക്കാം അപകടത്തിനു കാരണമായതെന്നാണ് കരുതുന്നത്. പൊലീസും പ്രദേശവാസികളും ചേര്‍ന്ന് രക്ഷാപ്രവര്‍ത്തനത്തിന് നേതൃത്വം നല്‍കി.
