‘മുമ്പ് പോണ്‍ താരം ആയിരുന്നതാണല്ലോ സണ്ണി ലിയോണിന്റെ താരമൂല്യം’; സണ്ണിയെ പരിഹസിച്ച് ടിവി പരിപാടി
‘പോണ്‍ താരം ആയിരുന്നതാണല്ലോ സണ്ണി ലിയോണിന്റെ താരമൂല്യം‘; സണ്ണിയെ പരിഹസിച്ച് ടിവി പരിപാടി
കൊച്ചിയില്‍ ഫോണ്‍ 4 ഷോറും ഉദ്ഘാടനം ചെയ്യാന്‍ സണ്ണി ലിയോണ്‍ എത്തിയപ്പോള്‍ താരത്തെ കാണാനായി ആരാധകരുടെ പ്രവാഹമായിരുന്നു. പറഞ്ഞതിനെക്കാളും ഒരു മണിക്കൂര്‍ വൈകിയാണ് സണ്ണി ലിയോണ്‍ എത്തിയത്.
എന്നാല്‍ സദസ്സിനെ ബോറടിപ്പിക്കാതെ അത്രയും നേരം ആരാധകരെ പിടിച്ച് നിര്‍ത്തിയത് രഞ്ജിനിയാണ്. പതിവ് രീതിയില്‍ ഇംഗ്ലീഷും മലയാളവും കൂട്ടി കലര്‍ത്തിയായിരുന്നു രഞ്ജിനിയുടെ പ്രകടനം. ആരാധകര്‍ ഇത്രയും ആഘോഷമാക്കിയ സണ്ണിയുടെ കൊച്ചി സന്ദര്‍ശനത്തെ ഒരു പ്രമുഖ ചാനല്‍ പരിപാടിയില്‍ നല്‍കിയ രീതി സ്ത്രീവിരുദ്ധവും അപമാനിക്കലുമായിരുന്നുവെന്നും വിമര്‍ശനങ്ങള്‍ ഉയര്‍ന്നിരിക്കുകയാണ്.
‘മുമ്പ് പോണ്‍ താരം ആയിരുന്നതാണല്ലോ ബോളിവുഡിനെ കീഴടക്കിയ സണ്ണി ലിയോണിന്റെ താരമൂല്യം’. എന്നായിരുന്നു ആ പ്രമുഖ ചാനല്‍ പരിപാടിയില്‍ സണ്ണി ലിയോണിനെ കുറിച്ച് പറയുന്നത്. ഛോട്ടാമുംബൈയിലെ ഷക്കീല വന്നോ മക്കളെ എന്ന രംഗവുമായാണ് ആ പരിപാടിയില്‍ സണ്ണി ലിയോണിന്റെ വരവിനെ താരതമ്യം ചെയ്തിരിക്കുന്നത്. ഇതിനെതിരെ വന്‍ വിമര്‍ശനമാണ് സോഷ്യല്‍ മീഡിയയില്‍ ഉയര്‍ന്നത്.
‘നമ്മുടെ നാട്ടില്‍ ഒരു കാര്യത്തിന് ഇത്രയും ദാരിദ്ര്യവും ആക്രാന്തവും ഉണ്ടെന്ന് ഇന്ന് കൊച്ചി തെളിയിച്ചു. ബോളിവുഡ് താരം സണ്ണി ലിയോണിനെ കാണാന്‍ പതിനായിരങ്ങള്‍ തടിച്ചു കൂടിയതോടെ കൊച്ചി എംജിറോഡില്‍ ട്രാഫിക് സ്തംഭനമുണ്ടായി. ഭൂചലനമുണ്ടാകാത്തത് ഭാഗ്യം.
‘ഷീ ന്യൂസ്’ എന്ന പരിപാടി ആരംഭിച്ച, വനിത ജീവനക്കാര്‍ക്ക് ആര്‍ത്തവത്തിന്റെ ആദ്യ ദിനം അവധി അനുവദിച്ച ആ ചാനല്‍ തന്നെയാണ് ഇതും കാണിക്കുന്നത് എന്നത് വിരോധാഭാസമാണെന്നാണ് വിമര്‍ശകര്‍ പറയുന്നത്.
