പിവി അന്‍‌വര്‍ എം എല്‍ എയുടെ പാര്‍ക്ക് അനുമതി വിവാദത്തിലേക്ക്; ആധികാരികത പരിശോധിക്കണമെന്ന് കൂടരഞ്ഞി പഞ്ചായത്തിന്റെ കത്ത്
പിവി അന്‍‌വര്‍ വിവാദത്തിലേക്ക്
പിവി അന്‍‌വര്‍ എംഎല്‍എയുടെ പാര്‍ക്കിന്റെ അനുമതിയുമായി ബന്ധപ്പെട്ട കാര്യങ്ങള്‍ വിവാദത്തിലേക്ക് കടന്നിരിക്കുകയാണ്. പാര്‍ക്കിന്റെ രേഖകളുടെ ആധികാരികത പരിശോധിക്കണമെന്നാവശ്യപ്പെട്ട് വിവിധ വകുപ്പുകള്‍ക്ക് കൂടരഞ്ഞി പഞ്ചായത്ത് കത്തയച്ചിരിക്കുകയാണ്.
പാര്‍ക്കിന്റെ അനുമതി പുനഃപരിശോധിക്കണമെന്നാണ് കത്തില്‍ പ്രധാനമായും പറയുന്നത്. കൂടരഞ്ഞി പഞ്ചായത്ത് ഏഴംഗ ഉപസമിതിയുടെ നിര്‍ദേശ പ്രകാരമാണ് കത്തയച്ചിരിക്കുന്നത്. നേരത്തേ മലിനീകരണ നിയന്ത്രണ ബോര്‍ഡ് പാര്‍ക്കിന് അനുമതി നിഷേധിച്ചതായി ആരോപണങ്ങള്‍ ഉയര്‍ന്നിരുന്നു. ഇതു പരിശോധിക്കണെമെന്നും കത്തില്‍ പറയുന്നു.
വാട്ടര്‍ തീം പാര്‍ക്കിന് പഞ്ചായത്ത് സെക്രട്ടറിയാണ് നിലമ്പൂരിലെ ഇടത് സ്വതന്ത്ര എംഎല്‍എ പിവി അന്‍വറിന് നടപടി ക്രമങ്ങള്‍ പാലിക്കാതെ പ്രവര്‍ത്തനാനുമതി നല്‍കിയത്. അസംബ്ലി കെട്ടിടത്തിന് താല്‍ക്കാലിക ലൈസന്‍സിനായി ലഭിച്ച ഫയര്‍ എന്‍ഒസി ഉപയോഗിച്ചാണ് പാര്‍ക്കിലെ മുഴുവന്‍ നിര്‍മ്മാണ പ്രവര്‍ത്തനങ്ങളും നടന്നത്. ഇതും പരിശോധിക്കും.
