ചതിച്ചത് വാട്സാപ്പാണ് ! ഈനാംപേച്ചിയെയും കൊണ്ട് പോയ യുവാക്കൾ ഒടുവില്‍ എത്തയത് ഇവിടെ !
ഇത് പണിയാകുമെന്ന് പറഞ്ഞതല്ലേ...വാട്സാപ്പ് ചതിച്ചു; ഇപ്പോള്‍ അവര്‍ എവിടെയാണെന്നോ?
വാട്സാപ്പിലൂടെ പരസ്യം നൽകി ഈനാംപേച്ചിയെ വിൽക്കാൻ ശ്രമിച്ച യുവാക്കളെ വനംവകുപ്പ് ഉദ്യോഗസ്ഥർ പിടികൂടി. ചിറ്റാർ സ്വദേശികളായ ബിനു, പ്രശാന്ത് എന്നിവരെയാണ് പിടികൂടിയത്. ഇവരുടെ കൈവശമുണ്ടായിരുന്ന ഈനാംപേച്ചിയെയും വനംവകുപ്പ് പിടിച്ചെടുത്തിട്ടുണ്ട്.
തങ്ങളുടെ കൈയിൽ ഈനാംപേച്ചിയുണ്ടെന്നും വിൽപ്പനയ്ക്കുള്ളതാണെന്നും പറഞ്ഞ് ഇരുവരും വാട്സാപ്പിലൂടെ സന്ദേശങ്ങൾ പ്രചരിപ്പിച്ചത്. വാട്സാപ്പിൽ ഇത്തരമൊരു സന്ദേശം പ്രചരിക്കുന്നത് ശ്രദ്ധയിൽപ്പെട്ട വനംവകുപ്പ് രഹസ്യാന്വേഷണം വിഭാഗം ഉദ്യോഗസ്ഥർ, യുവാക്കളുടെ പേരും മേൽവിലാസവും കണ്ടുപിടിക്കുകയായിരുന്നു. തുടർന്ന് ഇവരുടെ വീട്ടിലെത്തിയാണ് രണ്ടുപേരെയും പിടികൂടിയത്.
