കൊച്ചി മെട്രോ ഉദ്ഘാടനം: മെട്രോമാന്‍ ഇ ശ്രീധരനെ വേദിയില്‍ നിന്നും ഒഴിവാക്കി
കൊച്ചി മെട്രോയുടെ ഉദ്ഘാടന വേദിയില്‍ നിന്നും ഇ ശ്രീധരനെ ഒഴിവാക്കി
കൊച്ചി മെട്രോ റെയിലിന്റെ ഉദ്ഘാടന ചടങ്ങിലെ വേദിയില്‍ നിന്നും മെട്രോമാന്‍ ഇ ശ്രീധരനെ ഒഴിവാക്കി. ഈമാസം പതിനേഴിനാണ് പ്രധാനമന്ത്രി നരേന്ദ്ര മോദി പങ്കെടുക്കുന്ന ഉദ്ഘാടന ചടങ്ങ്. പ്രധാനമന്ത്രിയുടെ ഓഫീസ് തയ്യാറാക്കി നല്‍കിയ ലിസ്റ്റില്‍ നിന്നാണ് ശ്രീധരനെ ഒഴിവാക്കിയിരിക്കുന്നത്.
കൊച്ചി മെട്രോ സഫലമായതിന് പിന്നില്‍ ശ്രീധരന്റെ അതുല്യമായ പങ്ക് വിസ്മരിച്ചാണ് ഈ ചടങ്ങില്‍ നിന്ന് അദ്ദേഹത്തെ ഒഴിവാക്കിയത്. പ്രതിപക്ഷ നേതാവ് രമേശ് ചെന്നിത്തല, ഉമ്മന്‍ ചാണ്ടി എന്നിവരെയും ലിസ്റ്റില്‍ നിന്നും ഒഴിവാക്കിയിട്ടുണ്ട്.
പതിമൂന്ന് പേരുടെ പട്ടികയാണ് വേദിയിലിരിക്കുന്നതിനായി കെഎംആര്‍എല്‍ തയ്യാറാക്കി പിഎംഒയ്ക്ക് അയച്ചത്. എന്നാല്‍ ഇത് വെട്ടിത്തിരുത്തി ഏഴ് പേര്‍ മാത്രം ഉള്‍പ്പെടുന്ന ലിസ്റ്റ് അവര്‍ മടക്കി അയയ്ക്കുകയായിരുന്നു. അതേസമയം വേദിയില്‍ നിന്നും തന്നെ ഒഴിവാക്കിയതില്‍ ഒരു പരാതിയിയുമില്ലെന്ന് ശ്രീധരന്‍ പ്രതികരിച്ചു.
