ഒരു സ്വയം കല്‍പ്പിത തമ്പുരാട്ടിയുടേയോ ഏതാനും തമ്പുരാട്ടിമാരുടെയോ തീട്ടൂരത്തിനോ ഭയപ്പെടുത്തലിനോ വഴങ്ങാന്‍ ഉദ്ദേശിക്കുന്നില്ല: പി സി ജോർജ്
തന്നെ സ്ത്രീവിരുദ്ധനാക്കാൻ സ്വയം പ്രഖ്യാപിത തമ്പുരാട്ടിമാർ ഇറങ്ങിപ്പുറപ്പെടേണ്ടെന്ന് പി.സി.ജോർജ്
വനിതാ കമ്മിഷനെതിരെ ആഞ്ഞടിച്ച് പി സി ജോർജ് എം‌എല്‍‌എ. തന്നെ ഒരു സ്ത്രീവിരുദ്ധനാക്കാക്കിമാറ്റാന്‍ സ്വയം പ്രഖ്യാപിത തമ്പുരാട്ടിമാർ ഇറങ്ങിപ്പുറപ്പെടേണ്ടെന്നാണ് വനിതാ കമ്മിഷൻ അധ്യക്ഷയോടു പി.സി.ജോർജ് പറയുന്നത്. നടിയുടെ കേസ് ദുർബലപ്പെടുത്താന്‍ വേണ്ടിയല്ല, മറിച്ച് വീഴ്ച ചൂണ്ടിക്കാട്ടാനാണ് ശ്രമിച്ചത്. പി.സി.ജോര്‍ജിനെ സ്‌ത്രീ വിരുദ്ധനാക്കാന്‍ ഇറങ്ങിപ്പുറപ്പെട്ടാല്‍ നിരാശപ്പെടുകയേ ഉള്ളൂ. ഒരു സ്വയം കല്‍പ്പിത തമ്പുരാട്ടിയുടേയോ ഏതാനും തമ്പുരാട്ടിമാരുടെയോ തമ്പുരാക്കന്‍മാരുടേയോ തീട്ടൂരത്തിനോ ഭയപ്പെടുത്തലിനോ വഴങ്ങി ഈ ജന്മം ഈശ്വരനെയല്ലാതെ ആരെയും പേടിച്ചു ജീവിക്കാന്‍ താന്‍ ഉദ്ദേശിക്കുന്നില്ലെന്നും പി.സി.ജോർജ് ഫേസ്‌ബുക്ക് പോസ്റ്റിലൂടെ പറയുന്നു.
