ഒടുവില്‍ അതും സംഭവിച്ചു; മലയാള സിനിമയിലെ ക്രിമിനലാണ് ദിലീപെന്ന് ഗൂഗിള്‍ !
ദിലീപ് ക്രിമിനലെന്ന് ഗൂഗിള്‍
കൊച്ചിയില്‍ യുവനടിയെ തട്ടിക്കൊണ്ടുപോയി ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് അറസ്റ്റിലായ നടന്‍ ദിലീപിനെ ക്രിമിനലെന്ന് വിശേഷിപ്പിച്ച് ഗൂഗിള്‍. ഗൂഗിളില്‍ ദിലീപ് എന്ന് സെർച്ച് ചെയ്യുമ്പോൾ ആദ്യം ലഭിക്കുന്ന റിസള്‍ട്ടുകളില്‍ ഒന്നിലാണ്ദിലീപിനെ മലയാളം സിനിമയിലെ ക്രിമിനലെന്ന് വിശേഷിപ്പിച്ചിരിക്കുന്നത്.
ദിലീപിന്റെ ഔദ്യോഗിക വെബ്സൈറ്റായ ദിലീപ് ഓൺലൈനിലാണ് മലയാള സിനിമയിലെ ക്രിമിനലിന്റെ ഔദ്യോഗിക വെബ്സൈറ്റ് എന്ന വിശേഷണം നൽകിയിരിക്കുന്നത്. എന്നാല്‍ ഇത് വാർത്തയായതിന് തൊട്ടുപിന്നാലെ ആ വെബ്സൈറ്റ് അപ്രത്യക്ഷമാകുകയും ചെയ്തു.
നേരത്തെ, ജനങ്ങൾക്കിടയിൽ ദിലീപിന്റെ പ്രതിഛായ തിരിച്ച്പിടിക്കുന്നതിനായി പി.ആർ എജൻസികൾ രംഗത്തെത്തിയതായുള്ള വാര്‍ത്തകള്‍ പുറത്തുവന്നിരുന്നു. ഇതിന് പിന്നാലെയാണ് ദിലീപിനെ ഗൂഗിളും ക്രിമിനലാക്കിയിരിക്കുന്നത്.
