ആരാധകര്‍ക്ക് നിരാശ, അജു വര്‍ഗീസിനെ കാണാന്‍ കഴിയില്ല! - വടി കൊടുത്ത് അടി വാങ്ങി അജു
അജുവിന്റെ ഓണാഘോഷം വെള്ളത്തിലായി!
കൊച്ചിയില്‍ ആക്രമിക്കപ്പെട്ട നടിയുടെ പേര് പരാമര്‍ശിച്ച് ഫേസ്ബുക്കില്‍ പോസ്റ്റിട്ട നടന്‍ അജു വര്‍ഗീസിന് വീണ്ടും പണി. കുടുംബത്തോടൊപ്പം ഓസ്ട്രേലിയയിലെ മലയാളികളെ കാണാനും അവരോടൊപ്പം ഇത്തവണത്തെ ഓണാഘോഷ പരിപാടികളില്‍ പങ്കെടുക്കാനും തയ്യാറായി വിമാനത്താവളത്തില്‍ എത്തിയ അജുവിനെ കാത്തിരുന്നത് യാത്ര വിലക്കിയതാണ്.
മെല്‍‌ബലില്‍ 26ന് സംഘടിപ്പിക്കുന്ന ഓണ പരിപാടിയില്‍ പങ്കെടുക്കാനായിരുന്നു അജു കുടുംബ സമേതം എയര്‍പോര്‍ട്ടില്‍ എത്തിയത്. എന്നാല്‍, നടിയുടെ പേര് പരാമര്‍ശിച്ച സംഭവത്തില്‍ പോലീസ് ക്ലിയറന്‍സ് അവസാന ദിവസം കിട്ടാതായി. ഇതോടെയായിരുന്നു യാത്ര മുടങ്ങിയത്. നടിയുടെ പേര് പരാമര്‍ശിച്ചതിന് പൊലീസ് നേരത്തേ അജുവിനെതിരെ കേസെടുത്തിരുന്നു.
കേസ് സംബന്ധിച്ച വിവരങ്ങള്‍ ഓസ്ട്രേലിയന്‍ എമിഗ്രേഷനു ലഭിക്കുകയും ചെയ്തു. ഇതേതുടര്‍ന്ന് ഓസ്ട്രേലിയന്‍ എമിഗ്രേഷന്‍ വകുപ്പാണ് അജുവിന്റെ വിസ റദ്ദ് ചെയ്തത്. നടനെ കാണാനും പരിപാടികള്‍ക്കുമായി ടികറ്റെടുത്ത ഓസ്ട്രേലിയൻ മലയാളികൾ നിരാശരായി.
