തേഞ്ഞിപ്പലം: വിവാഹം കഴിഞ്ഞിട്ടു പത്ത് ദിവസങ്ങള്‍ മാത്രം കഴിഞ്ഞ ദമ്പതികള്‍ ബന്ധു വീട്ടില്‍ പോകവേ വാഹനാ പകടത്തില്‍ മരിച്ചു. വേങ്ങര കണ്ണമംഗലം മാട്ടില്‍ വീട്ടില്‍ സലാഹുദ്ദീന്‍ (25), ഭാര്യ ഫാതമി ജുമാന (19) എന്നിവരാണ് ദേശീയ പാത കാക്കഞ്ചേരി സ്പിന്നിംഗ് മില്ലിനടുത്ത് നടന്ന വാഹനാപകത്തില്‍ മരിച്ചത്.
ഇരുവരും ബുള്ളറ്റ് മോട്ടോര്‍ സൈക്കിളില്‍ സഞ്ചരിക്കവേ ഇന്ന് രാവിലെ പത്ത് മണിയോടെയാണ് അപകടം നടന്നത്. മുമ്പില്‍ പോയ വാഹനത്തെ ഓവര്‍ടേക്ക് ചെയ്യവേ നിയന്ത്രണം വിട്ട ബുള്ളറ്റ് എതിരെ വന്ന ടാങ്കര്‍ ലോറിയുമായി കൂട്ടിയിടിച്ചാണ് അപകടം ഉണ്ടായത്.
സലാഹുദ്ദീന്‍ അപകട സ്ഥലത്തു വച്ച് തന്നെ മരിച്ചു. ഫാത്തിമ ജുമാന ആശുപത്രിയിലേക്ക് കൊണ്ടുപോകും വഴിയും മരിച്ചു. മൃതദേഹങ്ങള്‍ കോഴിക്കോട് മെഡിക്കല്‍ കോളേജ് ആശുപത്രിയില്‍ സൂക്ഷിച്ചിട്ടുണ്ട്.
