പെരിന്തല്‍മണ്ണയില്‍ കൊവിഡ് രോഗിയായ യുവതിയെ പീഡിപ്പിക്കാന്‍ ശ്രമിച്ച ആംബുലന്‍സ് അറ്റന്‍ഡര്‍ കസ്റ്റഡിയില്‍. സ്വകാര്യ ആംബുലന്‍സ് അറ്റന്‍ഡറായ പ്രശാന്താണ് കസ്റ്റഡിയിലായത്. ഇയാളുടെ അറസ്റ്റ് ഉടന്‍ രേഖപ്പെടുത്തും. ഏപ്രില്‍ 27നായിരുന്നു കേസിനാസ്പദമായ സംഭവം നടന്നത്.
സ്വകാര്യ ആശുപത്രിയില്‍ നിന്ന് മറ്റൊരു സ്ഥാപനത്തിലേക്ക് സ്‌കാനിങിന് പോകവെയാണ് ആംബുലന്‍സില്‍ വച്ച് അറ്റന്‍ഡര്‍ ശാരീരികമായി ഉപദ്രവിച്ചത്. എതിര്‍ക്കാനുള്ള ശാരീരിക അവസ്ഥ യുവതിക്കുണ്ടായിരുന്നില്ല. തുടര്‍ന്ന് വിവരം ഡോക്ടറോട് പറയുകയും ഡോക്ടറുടെ നിര്‍ദേശപ്രകാരം പൊലീസില്‍ പരാതിപ്പെടുകയുമായിരുന്നു.
