മുല്ലപ്പെരിയാര്‍ ഡാമിന്റെ ജലനിരപ്പ് 141 അടിയായ സാഹചര്യത്തില്‍ രണ്ടാമത്തെ ജാഗ്രത നിര്‍ദ്ദേശം നല്‍കി തമിഴ്‌നാട്. ഡിസംബര് മൂന്നിനാണ് ജലനിരപ്പ് 140 അടിയായി ഉയര്‍ന്നിരുന്നത്. തമിഴ്‌നാട് വെള്ളം കൊണ്ടുപോകുന്നത് കുറച്ചതും കേരളത്തിലെ തുടരുന്ന മഴയും ആണ് ജലനിരപ്പുയരാന്‍ കാരണം. നിലവില്‍ സെക്കന്‍ഡില്‍ 511 അടി വെള്ളമാണ് തമിഴ്‌നാട് കൊണ്ടുപോകുന്നത്. മുല്ലപ്പെരിയാറിന്റെ പരമാവധി സംഭരണശേഷി 142 അടിയാണ്. ജലനിരപ്പ് ഉയര്‍ന്നാല്‍ കൂടുതല്‍ ജലം തമിഴ്‌നാട് കൊണ്ടുപോകണമെന്ന് കേരളം ആവശ്യപ്പെട്ടിട്ടുണ്ട്.
