ഒളിച്ചോടുന്നതില്‍ നിന്ന് മഞ്ജുവിനെ പിന്തിരിപ്പിച്ചത് അയാളോ?
ഒളിച്ചോടുന്നതില്‍ നിന്ന് മഞ്ജുവിനെ പിന്തിരിപ്പിച്ചത് ദിലീപ്
നവമാധ്യമങ്ങള്‍ ആഘോഷമാക്കിയ വാര്‍ത്തയായിരുന്നു ദിലീപിന്റെയും മഞ്ജുവിന്റെയും വിവാഹ മോചനം. ഇതൊന്നുമില്ലാത്ത കാലത്തെ ഇരുവരുടെയും വിവാഹവും അന്ന് സെന്‍സേഷണല്‍ ന്യൂസായിരുന്നു. അന്നത്തെ ആ ഒളിച്ചോട്ടത്തിന് പിന്നിലെ കഥ ഇപ്പോള്‍ വീണ്ടും പ്രചരിക്കുന്നു.
1998ലായിരുന്നു സിനിമാ ലോകത്തെയും കേരളക്കരയെ ഞെട്ടിച്ച മഞ്ജു വാര്യരുടെയും ദിലീപിന്റെയും വിവാഹം. കണ്ണെഴുതി പൊട്ടും തൊട്ട് എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയ ഉടനെ മഞ്ജു ദിലീപിനൊപ്പം ഇറങ്ങി വരികയായിരുന്നു.
പ്രണയത്തിലായിരുന്ന ദിലീപും മഞ്ജുവും കണ്ണെഴുതി പൊട്ടും തൊട്ട് എന്ന ചിത്രത്തിന്റെ ഷൂട്ടിങ് സമയത്ത് തന്നെ ഒളിച്ചോടാന്‍ പദ്ധതികള്‍ ഉണ്ടായിരുന്നെന്നും അത് തടഞ്ഞത് ദിലീപ് തന്നെയാണെന്നും വാര്‍ത്തകള്‍ വന്നിരുന്നു. മണിയന്‍ പിള്ള രാജുവാണ് കണ്ണെഴുതി പൊട്ടും തൊട്ട് എന്ന ചിത്രം നിര്‍മിച്ചത്.
മഞ്ജു ഇല്ലെങ്കില്‍ രാജു ആ സിനിമ ഉപേക്ഷിക്കുമെന്നും അദ്ദേഹത്തെ ബുദ്ധിമുട്ടിക്കരുത് എന്നും പറഞ്ഞത് പ്രകാരമാണ് ഒളിച്ചോട്ടം സിനിമയുടെ ഷൂട്ടിങിന് ശേഷം പദ്ധതിയിട്ടത്. അങ്ങനെ കണ്ണെഴുതി പൊട്ടും തൊട്ട് എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയ തൊട്ടടുത്ത ദിവസം മഞ്ജുവും ദിലീപും ഒളിച്ചോടി.
