ചൂഴ്ന്നെടുക്കുന്നതിന് മുമ്പ് ആ കണ്ണുകളിലേക്കൊന്നു നോക്കുക... അത്യന്തം വികൃതമായ സ്വന്തം മുഖം പ്രതിബിംബമായി കാണുക: സരോജ് പാണ്ഡെയ്ക്ക് മറുപടിയുമായി എം സ്വരാജ്
ബിജെപി ദേശീയ ജനറൽ സെക്രട്ടറി സരോജ് പാണ്ഡെയ്ക്കെതിരെ രൂക്ഷവിമര്‍ശനവുമായി എം സ്വരാജ് എംഎല്‍എ
ബിജെപി ദേശീയ ജനറൽ സെക്രട്ടറി സരോജ് പാണ്ഡെയ്ക്കെതിരെ രൂക്ഷവിമര്‍ശനവുമായി എം സ്വരാജ് എംഎല്‍എ. ഇന്ത്യൻ രാഷ്ട്രീയ ചരിത്രത്തിൽ ആദ്യമായാവാം ഒരു രാഷ്ട്രീയ പാർട്ടിയുടെ ഉന്നത നേതാവ് സി പി ഐ (എം) പ്രവർത്തകരുടെ വീടുകളിൽ കയറി അവരുടെ കണ്ണുകൾ ചൂഴ്ന്നെടുക്കുമെന്ന തരത്തിലുള്ള പരസ്യ ഭീഷണി മുഴക്കുന്നതെന്ന് സ്വരാജ് പറഞ്ഞു. എന്തുകൊണ്ടാണ് കണ്ണുകൾ ചൂഴ്ന്നെടുക്കുമെന്ന് ഭീഷണിപ്പെടുത്തുന്നത് ? കണ്ണുകൾ തുറന്ന് ചുറ്റുമുള്ള യാഥാർത്ഥ്യങ്ങൾ കാണുന്ന മനുഷ്യരൊക്കെയും സംഘപരിവാരത്തിനെതിരായി മാറുമെന്ന ഭയമാണോ ഭീഷണിക്കു പിന്നിലുള്ളതെന്നും സ്വരാജ് തന്റെ ഫേസ്‌ബുക്ക് പോസ്റ്റിലൂടെ പറയുന്നു.
