വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കിയ പിതാവ് പിടിയില്‍
പ്രായപൂർത്തിയാകാത്ത മകളെ പീഡിപ്പിച്ച് ഗർഭിണിയാക്കി; പിതാവ് അറസ്റ്റിൽ
പത്താം ക്ലാസുകരിയായ മകളെ പീഡിപ്പിച്ച് ഗര്‍ഭിണിയാക്കിയ കേസില്‍ പിതാവിനെ പൊലീസ് അറസ്റ്റ് ചെയ്തു. മലപ്പുറം ടൌണിനോട് ചേര്‍ന്നുള്ള ഗ്രാമത്തിലാണ് സംഭവം. പ്രതി രണ്ട് വിവാഹം കഴിച്ചെങ്കിലും രണ്ട് ഭാര്യമാരും മരിച്ചിരുന്നു.
ആദ്യഭാര്യയില്‍ രണ്ട് കുട്ടികളും രണ്ടാം ഭാര്യയില്‍ ആറുകുട്ടികളുമുണ്ട് ഇയാള്‍ക്ക്. രണ്ടാം ഭാര്യയുടെ കുട്ടികള്‍ അനാഥാലയത്തില്‍ കഴിഞ്ഞു വരവേ വര്‍ഷങ്ങള്‍ക്ക് മുമ്പ് ഇയാള്‍ ഇവരെ വീട്ടിലെത്തിച്ചു. ഇതിലൊരു കുട്ടിയെയാണ് ഇയാള്‍ പീഡിപ്പിച്ചത്.
ദിവസങ്ങളായി കുട്ടി സ്കൂളില്‍ വരാത്തതിനെ തുടര്‍ന്ന് ചൈല്‍ഡ്‍ലൈന്‍ പ്രവര്‍ത്തകരും അദ്ധ്യാപകരും ചേര്‍ന്ന് വീട്ടിലെത്തിയപ്പോള്‍ പ്രതി വീട് പരിശോധിക്കുന്നത് തടഞ്ഞു. തുടര്‍ന്ന് പൊലീസ് സഹായത്തോടെ കുട്ടിയെ കൌണ്‍സിലിംഗിനു വിധേയമാക്കിയപ്പോഴാണ് കുട്ടി ആറു മാസം ഗര്‍ഭിണിയാണെന്ന് കണ്ടെത്തിയത്. കുട്ടിയെ നിര്‍ഭയ ഹോമിലേക്ക് മാറ്റിയിട്ടുണ്ട്. മറ്റു കുട്ടികളെ ചില്‍ഡ്രന്‍സ് ഹോമിലേക്കും മാറ്റി.
