കണ്ണൂരിൽ പുലിയുടെ ആക്രമണം; ഗുരുതരമായി പരുക്കേറ്റ മൂന്നുപേർ ആശുപത്രിയിൽ - ദൃശ്യങ്ങള്‍
കണ്ണൂരില്‍ പുലിയുടെ ആക്രമണം
നഗരത്തിലെ താഴെത്തെരുവ്റെയിൽവെ ബ്രിഡ്ജിന്സമീപം പുലിയിറങ്ങി. തായത്തെരു മൊയ്തീൻ പള്ളിക്കു സമീപത്തെ കുറ്റിക്കാട്ടിലാണ് മൂന്നുമണിയോടെ പുലിയെ കണ്ടത്. അക്രമാസക്തനായ പുലി മൂന്ന് പേരെ കടിച്ചു. കടിയേറ്റവരെ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്.
ഒരു ബംഗാളിക്കും രണ്ട് മലയാളികൾക്കുമാണു കടിയേറ്റത്. അക്രമാസക്തനായ പുലി സമീപത്തെ പറമ്പിൽ കുടുങ്ങിയിരിക്കുകയാണ്. ജനങ്ങൾ പുറത്തിറങ്ങരുതെന്നും ജാഗ്രത പാലിക്കണമെന്നും വനംവകുപ്പ് പ്രദേശത്ത് ജാഗ്രതാ നിർദേശം നൽകിയിട്ടുണ്ട്. വനംവകുപ്പും പൊലീസും അഗ്നിശമന സേനയും സ്ഥലത്തെത്തിയിട്ടുണ്ട്.
