അറപ്പുഴയില്‍ മീന്‍ പിടിക്കാനിറങ്ങിയ രണ്ടുകുട്ടികളില്‍ ഒരാളുടെ മൃതദേഹം കണ്ടെത്തി. ഒളവണ്ണ പൊക്കുന്ന് ശബരിനാഥിന്റെ(14) മൃതദേഹമാണ് കിട്ടിയത്. പൊലീസും അഗ്നിരക്ഷാസേനയും നാട്ടുകാരും ചേര്‍ന്നാണ് തിരച്ചില്‍ നടത്തുന്നത്. ശബരിനാഥിന്റെ കൂട്ടുകാരനും ബന്ധുവുമായ ഹരിനന്ദിനായുള്ള തിരച്ചില്‍ നടക്കുകയാണ്. ഇന്നലെ വീട്ടില്‍ മടങ്ങിയെത്താത്ത കുട്ടികളെ കുറിച്ച് വീട്ടുകാര്‍ അന്വേഷിച്ചപ്പോഴാണ് മീന്‍പിടിക്കുന്നത് കണ്ടതായുള്ള വിവരം ലഭിക്കുന്നത്.
ഇതേത്തുടര്‍ന്നാണ് പുഴയില്‍ തിരച്ചില്‍ നടത്തിയത്. കുടുംബശ്രീയില്‍ പണമടയ്ക്കാനായിരുന്നു കുട്ടികളെ വീട്ടുകാര്‍ വിട്ടത്. വൈകുന്നേരം നാലുമണിയോടെ ഇവര്‍ മീന്‍പിടിക്കാന്‍ പോകുകയായിരുന്നു. നേരം വൈകീയിട്ടും കുട്ടികളെ കാണാതെ വന്നതോടെ വീട്ടുകാര്‍ അന്വേഷിച്ചിറങ്ങുകയായിരുന്നു.
