പ്രതിരോധ കുത്തിവെപ്പിന് പിന്നാലെ ഒന്നര വയസുകാരിക്ക് കൈയില്‍ മുഴ വന്ന് പഴുത്ത സംഭവത്തില്‍ പൊലീസ് കേസെടുത്തു. കോട്ടയം പ്രാഥമികാരോഗ്യ കേന്ദ്രത്തിലെ നഴ്സിനെതിരെയാണ് കേസെടുത്തത്. രണ്ട് മാസം മുന്‍പാണ് ജോമിന്‍-റാണി ദമ്പതികളുടെ മകളായ ഒന്നര വയസുകാരിയുടെ കൈയില്‍ പ്രതിരോധ കുത്തിവെപ്പ് എടുക്കുന്നത്. തുടര്‍ന്ന് കുട്ടിയുടെ കയ്യില്‍ മുഴ വരുകയും അത് പിന്നീട് പഴുക്കുകയും ചെയ്തു.
സംഭവം ചൂണ്ടിക്കാണിച്ച് മാതാപിതാക്കള്‍ ആശുപത്രി അധികൃതര്‍ക്ക് പരാതി നല്‍കിയെങ്കിലും വീട്ടുകാരുടെ ശ്രദ്ധ കുറവ് മൂലം കുട്ടിയുടെ കൈയില്‍ മുഴ വന്നതെന്നായിരുന്നു അധികൃതരുടെ വാദം.
