കൊല്ലം കടക്കലിലെ പതിമൂന്നുകാരിയുടെ ആത്മഹത്യയില്‍ മൂന്ന് പേര്‍ അറസ്റ്റില്‍. കുട്ടിയുടെ അടുത്തബന്ധുക്കളായ ഷിബു,ജിത്തു,ഷിജു എന്നിവരാണ് അറസ്റ്റിലായത്. പെണ്‍ക്കുട്ടിയെ നിരന്തരം പീഡിപ്പിച്ചിരുന്നതായി പ്രതികള്‍ പോലീസിനോട് സമ്മിതിച്ചു. ആറുമാസം മുന്‍പാണ് പ്രായപൂര്‍ത്തിയകാത്ത് ദളിത് വിദ്യാര്‍ഥിനി പീഡനത്തിനിരയായി കൊല്ലപ്പെട്ടത്. ജനുവരി 23നാണ് പെണ്‍കുട്ടിയെ കിടപ്പുമുറിയില്‍ തൂങ്ങിമരിച്ച നിലയില്‍ കണ്ടെത്തിയത്. ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
പോസ്റ്റുമാര്‍ട്ടം റിപ്പോര്‍ട്ടിലാണ് കുട്ടി പീഡനത്തിന് ഇരയായതായി കണ്ടെത്തിയത്. സ്വകാര്യ ഭാഗങ്ങളില്‍ രക്തം കട്ടപിടിച്ചിരിക്കുകയും പേശികള്‍ക്ക് ക്ഷതം പറ്റിയതായും തെളിഞ്ഞിരുന്നു. ഇതിന്റെ അടിസ്ഥാനത്തില്‍ ബന്ധുക്കളുടെ പരാതിയെ തുടര്‍ന്ന് അന്വേഷണം ക്രൈം ബ്രാന്‍ഞ്ചിന് നല്‍കിയത്.
