കേരളത്തില്‍ ലൌ ജിഹാദ് യാഥാര്‍ത്ഥ്യമാണെന്ന് സിറോ മലബാര്‍ സഭ സിനഡ് കഴിഞ്ഞ ദിവസം ആരോപിച്ചിരുന്നു. സംഭവത്തിൽ ശക്തമായ നടപടികൾ സ്വീകരിക്കാനൊരുങ്ങുകയാണ് സഭ. ക്രിസ്ത്യന്‍ പെണ്‍കുട്ടികളെ ലക്ഷ്യമാക്കി ആസൂത്രിതമായ ലൌ ജിഹാദ് നടക്കുന്നുവെന്നും പരാതികളില്‍ പൊലീസ് കാര്യമായ നടപടികള്‍ സ്വീകരിച്ചില്ലെന്നും സിനഡ് കുറ്റപ്പെടുത്തുന്നു.
ലൌ ജിഹാദിനെതിരായി ബോധവത്കരണം നടത്താനും സഭ തീരുമാനിച്ചു. ഇതിനാധാരമായ ചില കണക്കുകളും ഇവർ മുന്നോട്ട് വെച്ചു. പീഡന ദൃശ്യങ്ങളും മറ്റും കാണിച്ച് ഭീഷണിപ്പെടുത്തിയാണ് ലൗ ജിഹാദ് നാത്തുന്നതെന്നും സഭ പറയുന്നു. ഇക്കാര്യം ഗൗരവമായി കാണേണ്ടതാണെന്നും ഈ പ്രവണത ആശങ്ക ഉണ്ടാക്കുന്നതാണെന്നും സഭ പറഞ്ഞു.
അതേസമയം, സീറോ മലബാർ സഭയുടെ ആവശ്യം ന്യായവും സ്വാഗതാർഹമാണെന്നും ബിജെപി മുന്‍ സംസ്ഥാന അദ്ധ്യക്ഷൻ കുമ്മനം രാജശേഖരന്‍ അറിയിച്ചു.
