കാഞ്ഞങ്ങാട്: എട്ടുവയസുള്ള മകള്‍ക്ക് ബിയര്‍ നല്‍കിയ പിതാവിനെ പോലീസ് അറസ്റ്റ് ചെയ്തു. 65 വയസുള്ള കാഞ്ഞങ്ങാട് സ്വദേശിയെയാണ് ഹൊസ്ദുര്‍ഗ് പോലീസ് അറസ്‌റ് ചെയ്തത്.
വീട്ടില്‍ വച്ചാണ് ഇയാല്‍മകള്‍ക്ക് ബിയര്‍ നല്‍കിയത്. കുട്ടിക്ക് ശ്വാസതടസം, ദേഹാസ്വാസ്ഥ്യം എന്നിവ ഉണ്ടായതോടെ കുട്ടിയെ ജില്ലാ ആശുപത്രിയില്‍ പ്രവേശിപ്പിച്ചു. ഇതിനെ തുടര്‍ന്ന് ബന്ധുക്കള്‍ പോലീസില്‍ പരാതിപ്പെടുകയായിരുന്നു.
അവശനിലയില്‍ ആയിരുന്ന കുട്ടിയുടെ മൊഴി രേഖപ്പെടുത്തി. ബാലനീതി നിയമം, ഇന്ത്യന്‍ ശിക്ഷാ നിയമം എന്നിവ പ്രകാരമാണ് കേസെടുത്തത്. ഹൊസ്ദുര്‍ഗ് ജുഡീഷ്യല്‍ മജിസ്ട്രേറ്റ് കോടതിയില്‍ ഹാജരാക്കിയ ഇയാളെ രണ്ടാഴ്ചത്തേക്ക് റിമാന്‍ഡ് ചെയ്തു.
