ജെയ്റ്റ്ലി കേരളത്തിലേക്ക്; കൊല്ലപ്പെട്ട രാഷ്ട്രീയ നേതാവിന്റെ വീട് സന്ദര്‍ശിക്കും - രാഷ്‌ട്രീയനേട്ടം ലക്ഷ്യമിട്ട് ബിജെപി
ജെയ്റ്റ്ലി കേരളത്തിലേക്ക്; കൊല്ലപ്പെട്ട രാഷ്ട്രീയ നേതാവിന്റെ വീട് സന്ദര്‍ശിക്കും
സിപിഎം- ബിജെപി സംഘർഷത്തെ തുടർന്ന് തിരുവനന്തപുരത്ത് കൊല്ലപ്പെട്ട ആർഎസ്എസ് കാര്യവാഹക് രാജേഷിന്റെ വീട് കേന്ദ്ര ധനമന്ത്രി അരുൺ ജെയ്റ്റ്ലി സന്ദർശിക്കും. ഞായറാഴ്ചയായിരിക്കും സന്ദർശനം.
ബിജെപി കേന്ദ്ര നേതൃത്വത്തിന്റെ നിർദ്ദേശപ്രകാരമാണ് ജെയ്റ്റ്ലിയുടെ സന്ദർശനം. ബിജെപി സംസ്ഥാന പ്രസിഡന്റ് കുമ്മനം രാജശേഖരൻ അടക്കമുള്ള നേതാക്കളും അദ്ദേഹത്തിനൊപ്പമുണ്ടാകും.
ബിജെപി- സിപിഎം സംഘര്‍ഷം ദേശീയതലത്തില്‍ ഉയര്‍ത്തിക്കൊണ്ടുവന്ന് രാഷ്ട്രീയ നേട്ടമുണ്ടാക്കാനാണ് ജെയ്റ്റ്ലി കേരളത്തിലെത്തുന്നത്. ബിജെപി എംപി പ്രഹ്‌ളാദ് ജോഷി, മീനാക്ഷി ലേഖി എന്നിവര്‍ കേരളത്തിലെ രാഷ്ട്രീയ കൊലപാതകങ്ങളെ ലോക്‌സഭയില്‍ ചോദ്യം ചെയ്‌തിരുന്നു.
കേരളത്തിൽ ബിജെപി പ്രവർത്തകർ നിരന്തരം ആക്രമിക്കപ്പെടുന്നെന്ന ആരോപണം സംസ്ഥാന ബിജെപി നേതൃത്വം കേന്ദ്രത്തിന് മുന്നിൽ ഉന്നയിച്ചിട്ടുള്ളതാണ്. ഈ സാഹചര്യത്തിൽ രാജേഷിന്റെ കൊലപാതകത്തെ ഗൗരവത്തോടെയാണ് ബിജെപി കേന്ദ്ര നേതൃത്വവും കേന്ദ്ര സർക്കാരും കാണുന്നത്.
