സംസ്ഥാന സർക്കാർ നടപ്പാക്കുന്ന വികസന പ്രവർത്തനങ്ങൾ അട്ടിമറിക്കുന്നതിനായി കേന്ദ്ര ഏജൻസികൾ ശ്രമിക്കുകയാണെന്ന് മുഖ്യമന്ത്രി പിണറായി വിജയൻ. വിവാദങ്ങൾക്ക് പിന്നാലെ പോകാൻ സർക്കാരില്ല. വികസനപ്രവർത്തനങ്ങൾ നടപ്പാക്കുക മാത്രമാണ് സർക്കാരിന്റെ ലക്ഷ്യമെന്നും പിണറായി വിജയൻ പറഞ്ഞു.
അതേസമയം സർക്കാരിന്റെ വികസനപ്രവർത്തനങ്ങളെ അട്ടിമറിക്കാനാണ് കേന്ദ്ര ഏജൻസികൾ ശ്രമിക്കുന്നത്. എന്നാൽ ഏറ്റെടുത്തിരിക്കുന്ന ഉത്തരവാദിത്തത്തിൽ നിന്നു മാറ്റിനിർത്താൻ ഒരു ശക്തിക്കും സാധിക്കില്ല. നാടിന്റെ വികസനത്തെ തുരങ്കം വെച്ചുകൊണ്ട് രാഷ്ട്രീയം കളിക്കുകയാണ് ചിലർ. ഹീനമായ രാഷ്ട്രീയം കളിച്ച് പദ്ധതികൾ അട്ടിമറിയ്ക്കാനാണ് ഇവർ ശ്രമിക്കുന്നത് മുഖ്യമന്ത്രി വ്യക്തമാക്കി.
