നടിയോട് കാണിച്ചത് രതിവൈകൃതങ്ങളെന്ന വെളിപ്പെടുത്തലുമായി പള്‍സര്‍ സുനി; നടി ആക്രമിക്കപ്പെട്ടതിന്റെ ദൃശ്യങ്ങള്‍ പുറത്ത് ?
നടിയോടൊപ്പമുള്ള രതിവൈകൃതങ്ങള്‍ പകര്‍ത്തി വീഡിയോ പലര്‍ക്കും കൊടുത്തതായി പള്‍സര്‍ സുനി
കൊച്ചിയില്‍ നടിയെ തട്ടിക്കൊണ്ടുപോയി ക്രൂരമായി ആക്രമിച്ച സംഭവത്തില്‍ ഞെട്ടിപ്പിക്കുന്ന വെളിപ്പെടുത്തലുമായി വീണ്ടും പള്‍സര്‍ സുനി. നടിയെ ഉപദ്രവിക്കുന്ന ദൃശ്യങ്ങള്‍ താന്‍ ഒന്നിലധികം സ്ഥലങ്ങളില്‍ സൂക്ഷിച്ചിട്ടുണ്ടെന്ന് പള്‍സര്‍ സുനി പൊലീസിനോട് പറഞ്ഞതായാണ് ഏറ്റവും പുതിയ വിവരം. നടിയുടെ ദൃശ്യങ്ങള്‍ പകര്‍ത്തിയ മെമ്മറി കാര്‍ഡ് താന്‍ അഭിഭാഷകന് നല്‍കിയിട്ടുണ്ടെന്നും സുനി വ്യക്തമാക്കി.
അതേസമയം, മറ്റാര്‍ക്കെല്ലാമാണ് പള്‍സര്‍ സുനി ഈ ദൃശ്യങ്ങള്‍ കൈമാറിയതെന്നുള്ള അന്വേഷണത്തിലാണ് പൊലീസ്. പള്‍സര്‍ സുനി നല്‍കിയെന്ന് പറയപ്പെടുന്ന എല്ലാ സാധനങ്ങളും ആലുവ മജിസ്ട്രേറ്റ് കോടതിയില്‍ ഏല്‍പ്പിച്ചതായി അഭിഭാഷകന് അറിയിച്ചു. സുനിയുടെ മൊഴിയുടെ അടിസ്ഥാനത്തില്‍ ഫോണും മെമ്മറി കാര്‍ഡും വിശദ പരിശോധനക്കായി ഫോറന്‍സിക് ലാബിലേക്ക് അയച്ചിരിക്കുകയാണെന്നാണ് സൂചന.
അതേസമയം പള്‍സര്‍ സുനി നല്‍കുന്ന എല്ലാ മൊഴികളും പൂര്‍ണമായും വിശ്വാസത്തിലെടുക്കാന്‍ പൊലീസ് ഇനിയും തയ്യാറായിട്ടില്ലെന്നതാണ് മറ്റൊരു കാര്യം. എത്രയും പെട്ടെന്ന് പരിശോധന പൂര്‍ത്തിയാക്കി ഫലം നല്‍കാന്‍ ഫോറന്‍സിക് വിഭാഗത്തിന് പൊലീസ് നിര്‍ദേശം നല്‍കിയതായാണ് വിവരം. പരിശോധനാ ഫലം ലഭിച്ചു കഴിഞ്ഞാല്‍ മാത്രമേ സുനിയുടെ മൊഴിയുടെ വിശ്വാസ്യത പൊലീസിന് ഉറപ്പ് വരുത്താന്‍ കഴിയൂ.
