പൊതുസ്ഥലത്തുവച്ച് പ്രായപൂര്‍ത്തിയാകാത്ത പെണ്‍കുട്ടിയെ കടന്നുപിടിച്ച ഓട്ടോ ഡ്രൈവര്‍ക്ക് മൂന്നുവര്‍ഷം തടവും പിഴയും. ആലപ്പുഴയില്‍ ഓട്ടോഡ്രൈവറായ പുത്തന്‍ കളത്തില്‍ പ്രിന്‍സ് ഫിലിപ്പോസ് എന്ന 40 കാരനാണ് കോടതി ശിക്ഷ വിധിച്ചത്. ഇയാള്‍ക്ക് 25000 രൂപ പിഴയും വിധിച്ചിട്ടുണ്ട്. പിഴ അടച്ചില്ലെങ്കില്‍ മൂന്നുമാസം കൂടി തടവ് അനുഭവിക്കേണ്ടി വരും.
2016 മെയ് ഏഴിനാണ് കേസിനാസ്പദമായ സംഭവം നടക്കുന്നത്. മുത്തശിയോടൊപ്പം ബാങ്കിലെത്തിയ പെണ്‍കുട്ടിയെ ബാങ്കില്‍ ആളെയെത്തിയ ഓട്ടോ ഡ്രൈവര്‍ ഉപദ്രവിക്കുകയായിരുന്നു. പെണ്‍കുട്ടി വീട്ടുകാരോട് വിവരം പറഞ്ഞതിനെ തുടര്‍ന്ന് പൊലീസില്‍ പരാതിപ്പെടുകയും പ്രതിയെ അറസ്റ്റുചെയ്യുകയുമായിരുന്നു.
