പൂജപ്പുര ചിൽഡ്രൻസ് ഹോമിൽ നിന്ന് നാല് കുട്ടികൾ ചാടിപ്പോയ കുട്ടികളെ കുറിച്ച് വിവരമില്ല. 17 വയസുള്ള നാല് അന്തേവാസികളാണ് ചാടിപ്പോയതെന്നും അന്വേഷണം തുടരുകയാണെന്നും പൂജപ്പുര പൊലീസ് അറിയിച്ചു.
ചൊവ്വാഴ്‌ച ഉച്ചയ്ക്ക് 12.30 യോടെയാണ് കുട്ടികൾ ചാടിപ്പോയത്. ഇവര്‍ രക്ഷപ്പെട്ടതിന് ഏറെ നേരം കഴിഞ്ഞിട്ടാണ് വിവരം അധികൃതര്‍ അറിഞ്ഞത്. എങ്ങനെയാണ് നാലുപേരും പുറത്തു കടന്നതെന്നത് വ്യക്തമല്ല.
ഇതിന് മുമ്പും ഇവർ ചിൽഡ്രൻസ് ഹോമിൽ നിന്ന് ചാടി പോയിട്ടുണ്ടെന്നാണ് റിപ്പോര്‍ട്ട്. നിരവധി സമാനസംഭവങ്ങൾ അരങ്ങേറിയിട്ടും ചിൽഡ്രൻസ് ഹോമിന്റെ സുരക്ഷ വർദ്ധിപ്പിക്കാൻ നടപടിയെടുക്കാത്തതിൽ വിമർശനം ഉയരുകയാണ്.
