യുവാക്കള്‍ക്ക് സണ്ണി ലിയോണ്‍ എന്നും ഹരമാണ്. ഇന്ന് കൊച്ചിയിലെത്തിയ സണ്ണിയെ കാണാന്‍ അണിനിരന്നത് ആയിരങ്ങളാണ്. കൊച്ചിയില്‍ വന്നിറങ്ങിയ സണ്ണി തന്റെ ആരാധകരെ കണ്ട് അന്തം‌വിട്ടു. കേരളത്തിലെ മുന്‍‌നിര സ്മാര്‍ട്ട്‌ഫോണ്‍ വിപണന ശൃംഖലയായ ‘ഫോണ്‍ ഫോര്‍ ഡിജിറ്റല്‍ ഹബ്ബി’ന്റെ കൊച്ചി എം ജി റോഡ് ഷോറൂം ഉദ്ഘാടനത്തിനെത്തിയതാണ് സണ്ണി.
ഉദ്ഘാടനത്തിനും മണിക്കൂറുകള്‍ മുന്നേ താരത്തെ കാണാന്‍ ആയിരക്കണക്കിന് ആരാധകരാണ് തടിച്ചു കൂടിയത്. 11 മണിക്കെത്തുമെന്ന് അറിയിച്ചെങ്കിലും കൊച്ചിയിലെ ട്രാഫിക് സണ്ണിക്കും ചെറിയ ഒരു പണി കൊടുത്തു. 12 മണിയോടെയാണ് സണ്ണി ലിയോണ്‍ ഉദ്ഘാടനത്തിനെത്തിയത്.
തന്റെ സ്നേഹം ചുരുങ്ങിയ വാക്കുകളിലൂടെ സണ്ണി പറഞ്ഞു. തുടര്‍ന്ന് അവതാരകയായ രഞ്ജിനി ഹരിദാസ് ‘വി ലവ് സണ്ണി’ എന്ന് പറയാന്‍ ആവശ്യപ്പെട്ടു. പിന്നെ നടന്നത് കൊച്ചിയിലുള്ളവര്‍ പോലും പ്രതീക്ഷിക്കാത്ത കാര്യമായിരുന്നു. കടലുപോലെ ഒരാരവമായിരുന്നു ‘വീ ലവ് സണ്ണി’ എന്ന് കേട്ട സണ്ണി അക്ഷരാര്‍ത്ഥത്തില്‍ അന്ധാളിച്ച് പോയി. ഇത് കേട്ട് കണ്ണും കാതും പൊത്തി വിശ്വസിക്കാനാകാതെ നിന്നും ബോളിവുഡ് സുന്ദരി.
(ചിത്രത്തിന് കടപ്പാട്:ഫേസ്ബുക്ക്)
