ബിനീഷ് കോടിയേരിയുടെ വീടിന് നേരെ ആക്രമണം, വാഹനങ്ങള്‍ തല്ലിത്തകര്‍ത്തു; തന്നെ ലക്ഷ്യമിട്ടതാണെന്ന് കോടിയേരി
ലക്ഷ്യമിട്ടത് അച്ഛനെ, കൊടുത്തത് മകന്
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനീഷ് കൊടിയേരിയുടെ വീടിന് നേര്‍ക്ക് ആക്രമണം. ബിനീഷിന്റെ തിരുവനന്തപുരം മരുതംകുഴിയിലുള്ള വീടിന് നേരെ ഇന്ന് വെളുപ്പിനെ 3.30 ഓടെയായിരുന്നു ആക്രമണം നടന്നത്.
ബൈക്കിലെത്തിയ ആക്രമണസംഘം വീടിനു നേര്‍ക്ക് കല്ലുകള്‍ വലിച്ചെറിയുകയായിരുന്നു. ജനല്‍ ചില്ലുകളള്‍ എറിഞ്ഞു തകര്‍ത്ത ആക്രമികള്‍ വീടിന് മുന്നിൽ നിർത്തിയിട്ടിരുന്ന വാഹനങ്ങളും തല്ലി തകര്‍ത്തു. സംഭവം നടക്കുമ്പോള്‍ കോടിയേരി വീട്ടിലുണ്ടായിരുന്നില്ല.
ബിജെപി സംസ്ഥാന കാര്യാലയത്തിന് നേരെ രാത്രിയില്‍ ഏഴംഗസംഘം ആക്രമണം നടത്തിയിരുന്നു. കുമ്മനം രാജശേഖരന്റെ വാഹനം തല്ലിത്തകര്‍ക്കുകയും ചെയ്തിരുന്നു. സംഘര്‍ഷത്തിന്റെ തുടക്കം ബിജെപിയുടെ ആസൂത്രിത നീക്കത്തിന്റെ ഫലമാണെും ഈ സംഘര്‍ഷത്തിന്റെ പേരില്‍ പാര്‍ട്ടി ഓഫീസുകള്‍ക്ക് നേരെയും പ്രവര്‍ത്തകരുടെ വീടുകള്‍ക്ക് നേരെയും ആക്രമണം നടക്കുന്നത് അംഗീകരിക്കാനാവില്ലെന്നും കോടിയേരി പ്രതികരിച്ചു.
ആക്രമികള്‍ തന്നെയാണ് ലക്ഷ്യം വെച്ചതെന്നും ആക്രമണം ആര്‍എസ്എസും ബിജെപിയും ആസൂത്രണം ചെയ്തതാണെന്നും കോടിയേരി വ്യക്തമാക്കി.
